الماتى تورىنەن اشىلعان «تاعزىم» مەموريالىن كورىپ، جۇرەك تەبىرەندى.
كۇنى كەشەگى قاڭتار وقيعاسىن ۇمىتا قويمادىق، سودان دا بولار، كوڭىلدى مۇڭ باستى ءبىر ءسات. مەموريال سول ساتتەردى كوز الدىمىزعا اكەلگەندەي. دەمەك، بۇل كەشەن بىزگە وتكەندى ۇمىتپاۋدى، ودان ساباق الۋدى ۇندەپ تۇرعانداي.
«تاعزىم» وزگەشە تۋىندى بولىپ شىققان ەكەن. ىرگەلى كەشەننىڭ ءتۇرلى ءتۇستى ستەللالارعا بولىنگەنى ۇلكەن شىعارماشىلىق ىزدەنىستى بايقاتادى. قارا ءتۇسى ايتپاسا دا تۇسىنىكتى، جىل باسىنداعى قارالى كۇندەردىڭ دۇربەلەڭىن بەرىپ تۇرعانداي. ال اقشىل سۇر بولىگى سول قيىن كۇندەردى ەڭسەرۋدى بىلدىرسە كەرەك. ساۋلەتشىلەر سۇر بولىگىندە قاڭتار وقيعاسىندا قۇربان بولعان وتانداستارىمىزعا تاعزىم كورسەتكەندەي اسەردە بولدىم. ال اق ءتۇس جاقسىلىققا ۇمتىلاتىنىمىزدى كورسەتكەندەي. ءيا، اۆتورلاردىڭ شەشىمى ۇنادى. ونداعى ەلگە بەلگىلى تۇلعالاردىڭ قاشاپ جازىلعان ءار ءسوزى ۇلكەن-كىشىنىڭ كوكەيىندە جۇرۋگە ءتيىس دەپ ويلايمىن.
ەلىمىزدىڭ التىن بەسىگى – الماتىنى الداعى ۋاقىتتارى تەك جاقسى قىرىنان كورگىمىز كەلەدى.