ءار ادام جاڭا جىلدان جاقسىلىق كۇتەدى، ال كىشكەنتاي بالدىرعاندار اياز اتانىڭ تاتتىلەر مەن سىيلىقتار بەرەتىنىنە سەنەدى.
الماتى قالاسىنداعى مەملەكەتتىك قۋىرشاق تەاترىندا اسكەري قىزمەتشىلەردىڭ بالالارىنا ارنالعان ۇلتتىق ۇلاننىڭ «وڭتۇستىك» وڭىرلىك قولباسشىلىعى قولباسشىسىنىڭ شىرشاسى ءوتتى. قۋىرشاق تەاترىنىڭ ارتيستەرى بالالاردى بىردەن قۇشاققا الىپ، باۋراپ اكەتتى. كەيىپكەرلەرى كوپ سيقىرلى الەمگە تاپ بولعان بالاقايلار جاڭاجىلدىق ساحنادان كوز الماي، تاپجىلماي تاماشالادى. ەرتەگى كەيىپكەرلەرى بالالارمەن بىرگە ينتەراكتيۆتى ويىن ويناپ، ءان دە سالىپ، شىر اينالا بي دە بيلەدى. جاڭاجىلدىق مەرەكەنىڭ قىزىقتى وتكەنى سونشالىق، قىزىققا كومىلگەن بالالار ءار كورىنىس سايىن ءماز بولىپ، دۋ ەتكىزىپ قول شاپالاقتاپ، ءسات سايىن شاتتانىپ وتىردى.
جاڭاجىلدىق ءىس-شارادا «وڭتۇستىك» وڭىرلىك قولباسشىلىعى قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، پولكوۆنيك نيازتاي الكەشيەۆ بۇلدىرشىندەرگە قولباسشىنىڭ جانە قالالىق ءماسليحات دەپۋتاتى شۋحراد شاردينوۆتىڭ اتىنان سىيلىقتار تابىس ەتتى.
سونداي-اق، شىرشا مەرەكەسىنە وڭىرلىك قولباسشىلىقتا قىزمەت اتقارعان وفيسەر مارقۇم اسلان ابجانوۆتىڭ قىزى اميرا دا ارنايى شاقىرىلىپ، گەنەرال-مايور تالاپكەر امىرەيەۆتىڭ اتىنان سىيلىق تابىستالدى.