بۇل تۋرالى پارلامەنت ءماجىلىسىنىڭ جالپى وتىرىسىندا باس پروكۋرور بەرىك اسىلوۆ مالىمدەدى
باس پروكۋرور بەرىك اسىلوۆ مەملەكەت باسشىسىنىڭ قۇقىق قورعاۋ جانە ارناۋلى ورگاندارعا، قاڭتار وقيعاسىنىڭ سەبەپتەرىن ەگجەي-تەگجەيلى تەرگەپ-تەكسەرۋدى تاپسىرعانىن ايتتى، دەپ حابارلايدى Almaty-akshamy.kz
«اتالعان فاكتىلەر بويىنشا، بارلىعى 3 770 قىلمىستىق ءىس قوزعالدى. باسىم بولىگى، ىشكى ىستەر مينيسترلىگىنىڭ وندىرىسىندە، ولار – ادام ءولتىرۋ، ۇرلىق، قاراقشىلىق، بۇزاقىلىق، قارۋ ۇرلاۋ. سىبايلاس جەمقورلىققا قارسى قىزمەت، تەرگەۋدىڭ زاڭسىز تاسىلدەرىن قولدانۋ فاكتىلەرى بويىنشا 234 ءىستى جۇرگىزۋدە»، – دەپ اتاپ ءوتتى باس پروكۋرور.
سونىمەن قاتار ول ۇلتتىق قاۋىپسىزدىك كوميتەتى قانداي ىستەردى تەرگەپ جاتقانىنا توقتالدى.
«ۇلتتىق قاۋىپسىزدىك كوميتەتى مەملەكەتكە وپاسىزدىق جاساۋ، بيلىكتى باسىپ الۋعا ارەكەت ەتۋ جانە اسا ءىرى مولشەردە پارا الۋ بويىنشا 15 ءىستى تەرگەۋدە. بۇل ىستەر بويىنشا، ۇلتتىق قاۋىپسىزدىك كوميتەتىنىڭ بۇرىنعى ءتوراعاسى ءماسىموۆ جانە ونىڭ 3 ورىنباسارى، سوت سانكسياسىمەن قاماۋعا الىندى. وسى ورگاننىڭ تاعى 2 باسشىسى، بيلىكتى اسىرا پايدالانۋ كۇدىگىمەن، قىلمىستىق جاۋاپتىلىققا تارتىلۋدا. ۇلتتىق قاۋىپسىزدىك كوميتەتىنىڭ ىستەرىنە «وتە قۇپيا» دەگەن بەلگى بەرىلدى. وسىعان وراي تەرگەۋ ناتيجەلەرىن جان-جاقتى جاريا ەتە المايمىز»، - دەدى بەرىك اسىلوۆ.