ۇلتتىق پارك اۋماعىن لاستاعان كاسىپكەرلەر جەرىنەن ايىرىلادى

تابيعاتقا جاناشىرلىق كورسەتپەگەن كاسىپكەرلەر جەرلەرىنەن ايىرىلادى

ۇلتتىق تابيعي ساياباق اۋماعىنان جەر الىپ، كاسىپكەرلىكپەن اينالىسقان تۇلعالار يەلىگىندەگى ۋچاسكەنى لاستاسا، جەرىنەن ايىرىلادى. ق ر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى دانيار تۇرعانبايەۆ ورتالىق كوممۋنيكاسيالار قىزمەتىندە وتكەن بريفينگىدە وسىنداي مالىمەت بەردى، دەپ حابارلايدى Almaty-akshamy.kz

«ءبىز ۇسىنىپ وتىرعان زاڭ جوباسىندا اكىمشىلىك كودەسكە جاڭا باپ قوسۋ ۇسىنىلعان. بۇل باپ مەملەكەتتىك ۇلتتىق تابيعي ساياباقتاردا تۋريستىك-رەكرەاسيالىق قىزمەت كورسەتۋ ءتارتىبىن بۇزعانى ءۇشىن شارا قابىلداۋدى كوزدەيدى. بۇعان دەيىن ونداي باپ بولماعان. سوندىقتان، ەشكىم مۇنداي جازاعا تارتىلماعان. ەندى ورتا كاسىپكەرلىك سۋبەكتىلەرى مۇنداي زاڭسىزدىق ءۇشىن 30 اەك (87 510 تەڭگە – رەد.)، ال ءىرى كاسىپكەرلىك سۋبەكتىلەرى 100 اەك (291 700 تەڭگە – رەد.) ايىپپۇل تولەيدى»، - دەگەن ۆەدومستۆو وكىلى تابيعاتقا جاناشىرلىق تانىتپاعان كاسىپكەرلەر يەلىگىندەگى جەردەن ايىرىلاتىنىن دا ەسكەرتتى.

«ۇلتتىق ساياباق اۋماعىنان جەر تەلىمىن الىپ قولدانۋشىلار كەلىسىمشارت مىندەتتەمەلەرىن بۇزىپ، اۋماقتى تۇرمىستىق قالدىقپەن لاستاعان جاعدايدا ولارمەن جاسالعان كەلىسىمنىڭ كۇشى جويىلادى. مۇنىڭ ءبارى جەر تەلىمىن پايدالانۋشىمەن جاسالعان كەلىسىمشارتتا ايقىن جازىلعان»، - دەدى دانيار تۇرعانبايەۆ.