ۇلتتىق پانتەون تۋرالى ەرەجەنىڭ جاڭا رەداكسياسى جاريالاندى. ماتىندە پانتەونعا جەرلەنۋگە جاتاتىن ادامدار بار، دەپ حابارلايدى اlmaty-akshamy.kz.
جاڭا رەداكسيادا پرەزيدەنتتەردىڭ وتباسى مۇشەلەرىن، مەملەكەتتىك حاتشىلاردى، كونستيتۋسيالىق كەڭەستىڭ ءتوراعالارىن، سونداي-اق "قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ" وردەندەرىنىڭ يەگەرلەرىن الىپ تاستاۋ ۇسىنىلادى.
تۇسىندىرمە جازبادا بۇل قازاقستاننىڭ تۇڭعىش پرەزيدەنتى تۋرالى زاڭنىڭ كۇشى جويىلعانىنا بايلانىستى جاسالىپ وتىرعانى ايتىلعان.
شىلدە ايىنىڭ ورتاسىندا ءماسليحات وتىرىسىندا كاناليوۆ ۇلتتىق پانتەوندا 25 ورىننىڭ 21ء-ى ورنالاسقانىن جانە تەك ءتورت ورىن بوس قالعانىن مالىمدەدى. بۇل رەتتە، تالقىلاۋ بارىسىندا دەپۋتاتتار پانتەوننىڭ ەكىنشى كەزەڭىنىڭ قۇرىلىسى باستالاتىنىن حابارلاعان جوق.
پانتەون استانا ماڭىندا ورنالاسقان، قابانباي باتىر كەسەنەسىنىڭ اينالاسىنا سالىنعان. مەملەكەتتىڭ، عىلىمنىڭ، مادەنيەتتىڭ كورنەكتى قايراتكەرلەرىن، سونداي-اق قازاقستاننىڭ دامۋىنا ۇلەس قوسقان تۇلعالاردى جەرلەۋ ءۇشىن پانتەون سالىنعان بولاتىن.