ۇلتتىق ويىندار تاربيە جوسپارىنا ەنگىزىلدى

بۇل ناۋرىزدا وتكىزىلگەن «كۇي كۇمبىرى» چەللەندجىنىڭ جالعاسى.

ۇلتتىق ويىندار قازاقستاندىق وقۋشىلاردى تاربيەلەۋ جوسپارىنا ەنگىزىلدى، دەپ حابارلايدى Almaty-akshamy.kz

ى. التىنسارين اتىنداعى ۇلتتىق ءبىلىم اكادەمياسى تاربيە جۇمىسىن ءتيىمدى ۇيىمداستىرۋ ماقساتىندا ورتا ءبىلىم بەرۋ ۇيىمدارى ءۇشىن جاڭا وقۋ جىلىنا ارنالعان «توعىز اي – توعىز ءىس-شارا» ءىس-شارالار جوسپارىن ۇسىندى.

«توعىز وقۋ ايى ىشىندە وقۋشىلار توعىز ءتۇرلى ءىس-شاراعا قاتىسادى. جوسپاردى ىسكە اسىرۋ ناۋرىزدا وقۋشىلار اراسىندا وتكىزىلگەن «كۇي كۇمبىرى» رەسپۋبليكالىق دومبىراشىلار چەللەندجىنىڭ جالعاسى بولىپ تابىلادى. بارلىق ءىس-شارالار ۇلتتىق قۇندىلىقتار نەگىزىندە تاربيە پروسەسىنە ءبىرىڭعاي كوزقاراستى قامتاماسىز ەتۋگە باعىتتالعان»، - دەپ اتاپ ءوتتى ءبىلىم اكادەمياسىنىڭ پرەزيدەنتى مادينا تىنىبايەۆا.

ايتا كەتەيىك، ءىس-شارالار كەلەسى تارتىپتە وتكىزىلەدى:

قىركۇيەك – «سەرگىتۋ ءساتى»؛

قازان – «ءانۇران ايتۋ»؛

قاراشا – «اسىق اتۋ»؛

جەلتوقسان – «شىعارما جازۋ: بولاشاققا حات»؛

قاڭتار – «قازاق ەسەبى»؛

اقپان – «وقۋعا قۇشتار مەكتەپ»؛

ناۋرىز – «دومبىراشىلار»؛

ءساۋىر – «توعىزقۇمالاق، شاحمات ويىنى»؛

مامىر – «جاسىل مەكەن».