«ماسس-مەديا» تۋرالى زاڭعا تۇزەتۋلەر ەنگىزىلۋى ىقتيمال.
ەندى ب ا ق وكىلدەرىن اككرەديتتەۋ جەڭىلدەپ، باسپا ءسوز كارتاسى ەنگىزىلمەۋى مۇمكىن، دەپ حابارلايدى Almaty-akshamy.kz
سونداي-اق ۇلتتىق گازەت-جۋرنالداردا قىزمەت ەتەتىن جۋرناليستەردىڭ جالاقىسى ءوسۋى ىقتيمال. بۇل تۋرالى ءماجىلىس جانىنداعى قوعامدىق پالاتىنىڭ كوشپەلى وتىرىسىندا ايتىلدى. دەپۋتاتتار «ماسس-مەديا» زاڭىنا ءبىرقاتار وزگەرتۋلەر ەنگىزگەن.
اتاپ ايتقاندا، جۋرناليستەردىڭ اقپارات جيناۋ پروسەسىن جەڭىلدەتۋ، سونداي-اق بالالارعا ارنالعان گازەت-جۋرنالاردا ىستەيتىن ب ا ق وكىلدەرىنىڭ ەڭبەكاقىسىن ءوسىرۋ سىندى ماسەلەلەر نەگىزگە الىنعان. دەپۋتاتتار ەلىمىزدە 3 ملن-عا جۋىق وقىرمان بولسا، سونىڭ 10 پايىزى عانا گازەت-جۋرنالدارعا جازىلاتىنىن العا تارتتى. سوندىقتان بۇل سالاعا سۋبسيديا تارتۋ كەرەك. وسى جانە باسقا دا تۇزەتۋلەر پارلامەنت ماجىلىسىندە تالقىلانىپ، سەناتقا جولدانباق.
«مەملەكەتتىك اقپاراتتىق تاپسىرىستىڭ اشىقتىعى مەن ەسەپتىلىگىنە بايلانىستى نورما ەنگىزىلدى. سونىمەن قاتار ب ا ق تاراتىلۋ رەتىنە بايلانىستى دا نورمالار ەنگىزىلدى. جالپى ۇزاعى 170 تۇزەتۋ ەنگىزىلىپ وتىر. ءبىز ءقازىر وقىلىمعا دايىندالىپ جاتىرمىز. ودان كەيىن ەكىنشى وقىلىم بولادى. ەكىنشى وقىلىمدا قابىلدانسا، سەناتقا جولدانادى»، - دەيدى ق ر پارلامەنتى ءماجىلىسىنىڭ دەپۋتاتى جۇلدىز سۇلەيمەنوۆا.