بۇل قىزمەتكە دانابەك كەرىمراي كەلدى.
ق ر ۇەم ءمينيسترىنىڭ بۇيرىعىمەن دانابەك التىنبەك ۇلى كەرىمراي قازاقستان رەسپۋبليكاسى ۇلتتىق ەكونوميكا مينيسترلىگى اپپاراتىنىڭ باسشىسى بولىپ تاعايىندالدى، دەپ حابارلايدى Almaty-akshamy.kz ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.
دانابەك كەرىمراي 1982 جىلى شىمكەنت قالاسىندا تۋعان.
«ميراس» ۋنيۆەرسيتەتىن، م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن، پسيحولوگيا، كاسىپكەرلىك جانە مەنەدجمەنت اكادەمياسىن بىتىرگەن.
ەڭبەك جولىن 2003 جىلى وقو سىرتقى ەكونوميكالىق بايلانىستار جانە ينۆەستيسيالار باسقارماسىنىڭ اۋدارما مامانى بولىپ باستاعان.
2 004-2005 جىلدارى — وقو جاستار ءىسى جانە ىشكى ساياسات دەپارتامەنتى تىلدەر ءبولىمىنىڭ جەتەكشى مامانىنىڭ م. ا.، جەتەكشى مامانى.
2005-2006 جىلدارى — وقو تىلدەردى دامىتۋ باسقارماسىنىڭ ۇلتتىق جانە شەت تىلدەرىن دامىتۋ ءبولىمىنىڭ باس مامانى.
2006 جىلى وقو ەكونوميكا جانە بيۋدجەتتىك جوسپارلاۋ باسقارماسىنىڭ سىرتقى ەكونوميكالىق بايلانىستار ءبولىمىنىڭ باس مامانى قىزمەتىن اتقاردى.
2006-2009 جىلدارى وڭتۇستىك قازاقستان وبلىسى، شىمكەنت قالاسى اكىمى اپپاراتىنىڭ قۇرىلىمدارىندا جۇمىس ىستەدى.
2009-2011 جىلدارى — ق ر قورشاعان ورتانى قورعاۋ مينيسترلىگىندە باسشىلىق قىزمەتتەر اتقاردى.
2011-2012 جىلدارى قازاقستاننىڭ تۇرعىن ۇي-كوممۋنالدىق شارۋاشىلىعىن دامىتۋدى جاڭعىرتۋ ورتالىعىندا جۇمىس ىستەدى.
2012-2013 جىلدارى — ق ر قۇرىلىس جانە تۇرعىن ۇي-كوممۋنالدىق شارۋاشىلىق ىستەرى اگەنتتىگىنىڭ قارجىلىق قىزمەت جانە بيۋدجەتتى جوسپارلاۋ دەپارتامەنتىنىڭ ديرەكتورى ورىنباسارىنىڭ م. ا.، ديرەكتوردىڭ ورىنباسارى.
2013-2014 جىلدارى — ق ر وڭىرلىك دامۋ مينيسترلىگىنىڭ قارجىلىق قىزمەت جانە بيۋدجەتتىك جوسپارلاۋ دەپارتامەنتى ديرەكتورىنىڭ ورىنباسارى، ديرەكتورى.
2014-2016 جىلدارى — ق ر ۇلتتىق ەكونوميكا مينيسترلىگىنىڭ ەكونوميكا جانە قارجى دەپارتامەنتىنىڭ ديرەكتورى.
2017 جىلعى شىلدەدەن باستاپ قازىرگى ۋاقىتقا دەيىن ق ر ۇەم ەكونوميكا جانە قارجى دەپارتامەنتىنىڭ ديرەكتورى بولدى.