قازاقستان ۇلتتىق بانكى Tilashar كوللەكسيالىق مونەتالارىن اينالىمعا شىعارادى، دەپ حابارلايدى Almaty-akshamy.kz
جاڭا مونەتالاردىڭ بەت جاعىندا (اۆەرسىندە)، ورتالىق بولىگىندە ويۋ-ورنەك اياسىندا قازاقستان رەسپۋبليكاسىنىڭ مەملەكەتتىك ەلتاڭباسى، اينالدىرا QAZAQSTAN RESPÝBLIKASY • REPUBLIC of KAZAKHSTAN دەگەن جازۋلار، تومەنگى بولىگىندە مونەتالاردىڭ نومينالىن بىلدىرەتىن جازۋ ورنالاسقان.
مونەتالاردىڭ سىرت جاعىندا (ريەۆەرسىندە) مەكتەپ اتريبۋتى ەلەمەنتتەرى بار بالالار سۋرەتتەرىنىڭ بەينەلەرى، مونەتا جاسالعان مەتالدىڭ سىناماسى مەن ماسساسى، سوعىلعان جىلى كورسەتىلگەن جازۋ بار.
كۇمىستەن، مەلحيور قورىتپاسىنان جانە نەيزيلبەر قورىتپاسىنان جاسالعان مونەتالاردىڭ بەت جانە سىرتقى جاقتارىنىڭ بىردەي بەينەلەرى بولادى. كۇمىستەن جاسالعان مونەتالار ءتۇرلى-تۇستى ەمال جاعۋ تەحنولوگياسىن قولدانا وتىرىپ جاسالعان، مەلحيوردان جاسالعان مونەتالاردا ينتەرفەرەنسيالىق قۇبىلمالى جابىن تەحنولوگياسى قولدانىلعان.
«بارلىق مونەتالار قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە قازاقستاننىڭ بارلىق بانكتەرىندە اۋدارۋ، ايىرباستاۋ جانە ايىرباستاۋ ءۇشىن ولاردىڭ بەلگىلەنگەن قۇنى بويىنشا قابىلدانۋعا مىندەتتى»، - دەپ جازادى ق ر ۇلتتىق بانكى.