ۇلتتىق بانك تەڭگەنىڭ نىعايۋى جايلى تۇسىنىك بەردى

مامىر ايىندا تەڭگە 6،8%-عا نىعايدى.

ۇلتتىق بانك ءتوراعاسى عالىمجان ءپىرماتوۆ ۇكىمەت وتىرىسىندا تەڭگە باعامىنىڭ نىعايۋىن ءتۇسىندىردى، دەپ حابارلايدى Almaty-akshamy.kz.

«مامىر ايىندا جاھاندىق قارجى نارىقتارىنداعى تۇرلاۋسىزدىق پەن قۇبىلمالىلىقتىڭ جالعاسۋىنا قاراماستان، تەڭگە باعامى ءبىر دوللار ءۇشىن 415،16 تەڭگەگە دەيىن نەمەسە 6،8%-عا نىعايدى. ۇلتتىق ۆاليۋتانىڭ نىعايۋى مۇناي مەن گازدىڭ جوعارى نارىقتىق باعالارىمەن، ەكسپورتتاۋشىلاردىڭ سالىق تولەمدەرىمەن بايلانىستى»،- دەدى عالىمجان ءپىرماتوۆ.

ونىڭ ايتۋىنشا، ۆاليۋتا نارىعىنداعى ۇسىنىس كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى ەسەبىنەن قوسىمشا قولداۋ تاپتى، ونىڭ كولەمى مامىر ايىندا شامامەن 598 ملن دوللاردى قۇرادى.

«قىسقا مەرزىمدى پەرسپەكتيۆادا تەڭگەنىڭ قۇبىلمالىلىعى گەوساياسي جاعدايدىڭ وزگەرۋىنە جانە الەمدىك نارىقتارداعى احۋالعا بايلانىستى بولادى. ۇلتتىق بانك تەڭگەرىمسىزدىكتەردىڭ جيناقتالۋىن بولدىرمايتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانۋدى جالعاستىرادى»، - دەدى ۇلتتىق بانك ءتوراعاسى.