الماتى اكادەمياسىنىڭ قىزمەتكەرلەرى تۇركىستاندىق ارىپتەستەرىمەن تاجىريبە بولىسۋدە.
تۇركىستان تورىنە تاجىريبە الماسۋ باعىتىندا ماحان ەسبولاتوۆ اتىنداعى الماتى اكادەمياسىنىڭ بىلىكتى دە ءبىلىمدى قىزمەتكەرلەرى كەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
مۇنداعى نەگىزگى ماقسات – ىشكى ىستەر ورگاندارىن باسقارۋدىڭ ءتيىمدى جۇيەسىن قۇرۋ، پوليسياعا قاتىستى نەگىزگى مىندەتتەردى جانداندىرۋ.
اتالعان ماڭىزى زور دارىسكە تۇركىستان وبلىسى پد-عا قاراستى قالالىق، اۋداندىق پوليسيا باسقارما مەن ءبولىم باسشىلارى قاتىسۋدا. ءۇش كۇنگە سوزىلاتىن ساباق بارىسىندا باسشى قۇرامنىڭ بىلىكتىلىگىن ارتتىرۋ ءبىرىنشى ورىندا تۇر. ياعني، ق ر ءىىم-نىڭ “ءموبيلدى اكادەميا” پيلوتتىق جوباسى شەڭبەرىندە زاماناۋي تالاپتارعا سايكەس وقۋ باعدارلاماسى جۇرگىزىلەدى.
الماتىدان ارنايى كەلگەن بىلىكتى ماماندار قاتارىندا م. ەسبولاتوۆ اتىنداعى اكادەميا باستىعىنىڭ ورىنباسارى زاڭ عىلىمدارىنىڭ كانديداتى، دوسەنت ەرجان بيمولدانوۆ پەن اتالعان اكادەميانىڭ اعا عىلىمي قىزمەتكەرى، زاڭ عىلىمدارىنىڭ كانديداتى، دوسەنت، وتستاۆكاداعى پوليسيا پولكوۆنيگى لەيلا قۇلتەمىروۆا، سونداي-اق وسى وقۋ ورنىنىڭ ءىىو باسشى قۇرامىن دايارلاۋ فاكۋلتەتىنىڭ جوعارى اكادەميالىق كۋرسىنىڭ ادىسكەرى، پەداگوگيكا عىلىمدارىنىڭ كانديداتى تالعات تۇركەنوۆ بار.
بۇل كاسىبي شەبەرلىگى مول قىزمەتكەرلەر تۇركىستاندىق قاتىسۋشىلاردى ءبىلىم نارىمەن سۋسىنداتىپ، بار وقىپ-تۇيگەندەرىن جەتكىزدى. پوليسيا مەن حالىقتىڭ بىر-بىرىنە بارىنشا اشىق بولۋى، باسشى قۇرام مەن جەكە قۇرام اراسىنداعى بايلانىس قالاي بولۋ كەرەكتىگى ايتىلىپ، اقىل-كەڭەستەر بەرىلدى. دارىسكە قاتىسۋشى تاراپ، بىلىمدەرىن جەتىلدىرۋگە ات سالىسىپ جاتقان ارىپتەستەرىنە العىستارىن جەتكىزدى. پوليسيانىڭ جۇرتقا جاقىن جانە زاماناۋي تەحنيكالاردى مەڭگەرۋىنە باعىت بەرىپ جاتقانى ءۇشىن ريزاشىلىقتارىن جەتكىزىپ، ءوز ويلارىمەن ءبولىستى، پىكىر الماستى.
“جاڭا قازاقستان”، “سەرۆيستىك پوليسيا مودەلىن قۇرۋ” جولىندا مۇنداي كەلەلى كەزدەسۋلەردىڭ بەرەر پايداسى زور. سەبەبى پوليسيانىڭ وڭ ءيميدجىن قالىپتاستىرۋ، باسشى قۇرامنىڭ قاراپايىم دا ءادىل بولۋى، حالىقپەن كەرى بايلانىستى نىعايتۋ كۇن تارتىبىنەن تۇسپەك ەمەس.