ق ر ۇلتتىق بانكى مەن «قازاقستان قور بيرجاسى» اق بىرلەسكەن مالىمدەمە جاسادى، دەپ حابارلايدى اlmaty-akshamy.kz
ۇلتتىق بانك «قازاقستان قور بيرجاسى» اق-پەن بىرلەسىپ، تەڭگە – اقش دوللارى ۆاليۋتا جۇبى بويىنشا ساۋدا-ساتتىق رەگلامەنتىن وزگەرتۋ تۋرالى شەشىم قابىلدادى.
اتاپ ايتقاندا، 28 اقپاندا ساۋدا-ساتتىق نۇر-سۇلتان قالاسىنىڭ ۋاقىتى بويىنشا ساعات 15-00-دە فرانكفۋرت اۋكسيونى فورماتىندا اشىلادى.
بۇل شارالار ۋاقىتشا سيپاتقا يە، بەلگىسىزدىكتىڭ جوعارى دارەجەسىن جانە سىرتقى گەوساياسي فاكتورلار تاراپىنان ۆاليۋتا نارىعىنا جانە ەل ىشىندەگى قارجىلىق تۇراقتىلىققا كورسەتىلەتىن قىسىمدى بارىنشا ازايتۋ قاجەتتىلىگىن كورسەتەدى.
سونىمەن قوسا، سىرتقى قارجى نارىقتارىنداعى قازىرگى ساتتەگى اسا ايقىندالماعان جاعدايلاردىڭ وزگەرۋىنە قاراي ۇلتتىق بانك «قازاقستان قور بيرجاسى» اق-پەن بىرلەسىپ، 28 اقپاندا نۇر-سۇلتان ۋاقىتى بويىنشا ساعات 15-00-گە دەيىن بيرجالىق ۆاليۋتالىق ساۋدا-ساتتىقتى تولىق توقتاتا تۇرۋ تۋرالى ماسەلەنى قاراۋى مۇمكىن.
تەڭگە – اقش دوللارى ۆاليۋتا جۇبى بويىنشا ساۋدا-ساتتىقتىڭ بۇدان بىلايعى رەجيمى تۋرالى اقپارات رەسمي بايلانىس جاساۋ ارنالارى ارقىلى ۋاقىتىلى جەتكىزىلەتىن بولادى.