جۇمىس بەرۋشىلەردىڭ سۇرانىسى كەرىسىنشە ازايعان.
جىل باسىندا قازاقستاندا جۇمىس ىزدەۋشىلەر سانى ارتىپ، ەلەكتروندىق ەڭبەك بيرجاسىندا 70،2 مىڭ تۇيىندەمە ورنالاستىرىلعان، دەپ حابارلايدى Almaty-akshamy.kz.
««ەڭبەك رەسۋرستارىن دامىتۋ ورتالىعى» اق دەرەكتەرى بويىنشا 2022 جىلعى قاڭتاردا ەلەكتروندىق ەڭبەك بيرجاسىندا 68،3 مىڭ بوس جۇمىس ورنى جانە 70،2 مىڭ تۇيىندەمە ورنالاستىرىلعان. وسىلايشا، قاڭتاردا جاريالانعان تۇيىندەمەلەر سانىنىڭ كۇرت ءوسۋى جانە 2021 جىلعى جەلتوقسانمەن سالىستىرعاندا جۇمىس بەرۋشىلەردىڭ سۇرانىسى بويىنشا بەلسەندىلىكتىڭ تومەندەۋى بايقالدى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
2022 جىلعى قاڭتاردا ەەب-دا وتكەن جىلعى جەلتوقسانداعى دەرەكتەرمەن سالىستىرعاندا سۇرانىستىڭ 23%-عا تومەندەگەنى بايقالدى، ءبىر ايدا بارلىعى 68،3 مىڭ بوس جۇمىس ورنى جاريالاندى. وسى كەزەڭدە تۇيىندەمەلەر سانىنىڭ جەلتوقسان كورسەتكىشتەرىنە قاراعاندا 3،3 ەسە ءوسۋى بايقالدى. قاڭتار ايىندا ەەب-عا ىزدەنۋشىلەر 70،2 مىڭ بەلسەندى تۇيىندەمە ورنالاستىردى.
وڭىرلەر تۇرعىسىنان الماتى وبلىسىندا ەەب-عا سۇرانىس ءتورت ەسە (جەلتوقسانداعى 12،4 مىڭنان قاڭتاردا 3 مىڭعا دەيىن)، تۇركىستان (9،3 مىڭنان 4،5 مىڭعا دەيىن) جانە قىزىلوردا (3،5 مىڭنان 1،9 مىڭعا دەيىن) وبلىستارىندا ەكى ەسە دەرلىك قىسقاردى. سونىمەن قاتار، قوستاناي وبلىسىندا ەەب بوس جۇمىس ورىندارىنىڭ سانى 10%-عا، نۇر-سۇلتان قالاسىندا 8%-عا جانە باتىس قازاقستان مەن سولتۇستىك قازاقستان وبلىستارىندا شامالى ءوستى.
ەەب-دا بارلىق وڭىرلەردە ەڭبەك نارىعىنداعى ۇسىنىس قاڭتار ايىندا جەلتوقسانمەن سالىستىرعاندا ءوستى. مۇنداعى كوشباسشىلار وتكەن ايمەن سالىستىرعاندا جاريالانعان تۇيىندەمەلەرى بەس ەسەگە جۋىق ارتقان وڭىرلەر بولدى، اتاپ ايتقاندا، شىمكەنت قالاسى (4،9 مىڭ)، قىزىلوردا وبلىسى (7 مىڭ)، الماتى قالاسى (6،6 مىڭ). ەڭبەك نارىعىنداعى ۇسىنىستىڭ ەڭ از ءوسىمى باتىس قازاقستان وبلىسىندا بايقالدى، ال وندا تۇيىندەمەلەر سانى قاڭتاردا 1،3 مىڭنان 2،5 مىڭعا دەيىن، پاۆلودار وبلىسىندا 1 مىڭنان 2،2 مىڭعا دەيىن ءوستى.
قاڭتاردا سۇرانىستىڭ 84%-ىن شاعىن، ورتا جانە ءىرى كاسىپورىندار (57،3 مىڭ جۇمىس بەرۋشى) قۇرادى. ايتا كەتەيىك، جەكە كاسىپكەرلەر تاراپىنان سۇرانىس جەلتوقسان ايىنىڭ كورسەتكىشتەرىمەن سالىستىرعاندا قاڭتار ايىندا 59%-عا (26،7 مىڭنان 10،9 مىڭعا دەيىن) تومەندەدى.
ەگەر ىزدەنۋشىلەر تۋرالى ايتاتىن بولساق، ءداستۇرلى تۇردە ايەلدەر قاڭتار ايىندا بارلىق تۇيىندەمەلەردىڭ 56%-ىن ورنالاستىرا وتىرىپ، ەەب-دا ۇلكەن بەلسەندىلىك تانىتتى. ەەب-داعى ۇسىنىستاردىڭ ۇشتەن ءبىرىن 25-35 جاس ارالىعىنداعى جاستار قۇرادى. ىزدەنۋشىلەر اراسىندا جاستاردىڭ باسىم بولىگى نۇر-سۇلتان قالاسىندا (بارلىق ۇسىنىستىڭ 39%-ى)، ماڭعىستاۋ وبلىسىندا 36%، شىمكەنت قالاسىندا جانە اتىراۋ وبلىسىنىڭ ءار وڭىرلەرىندە 35%-دان بولدى.
سونىمەن قاتار، ەڭبەك نارىعىنداعى بىلىكتىلىكتەردىڭ تەڭگەرىمسىزدىگى ەەب-داعى بوس ورىندار مەن تۇيىندەمەلەردە دە كورىنىس تابادى. وسىلايشا، نارىقتاعى سۇرانىستىڭ كوپ بولىگى ورتاشا بىلىكتى ماماندارعا (بارلىق بوس جۇمىس ورىندارىنىڭ 52%)، ال ۇسىنىس بىلىكتىلىگى جوق جۇمىس ىزدەۋشىلەردىڭ سانىنان (45%) كوبىرەك بولدى. جالپى العاندا، بوس جۇمىس ورىندارىنىڭ 25%-ى جوعارى بىلىكتى ماماندارعا جانە 23%-ى تومەن بىلىكتى نەمەسە بىلىكتىلىگى جوق ماماندارعا ارنالعان، ال جۇمىس ىزدەۋشىلەر اراسىندا ۇسىنىستاردىڭ تەك 32%-ى ورتا بىلىكتى مامانداردان جانە 23%-ى جوعارى بىلىكتى مامانداردان بولدى.
ەگەر جالاقىنى الىپ قارايتىن بولساق، وندا نەعۇرلىم جوعارى ءۇمىت ەتكەن مەجە (ورتاشا ەسەپپەن ايىنا 500 مىڭ تەڭگەدەن باستاپ) باسقارۋشى پوزيسيالارعا ىزدەنۋشىلەر اراسىندا، اتاپ ايتقاندا قارجى ديرەكتورى، ساتۋ باسشىسى، ماركەتينگ جانە ءونىمدى وتكىزۋ جونىندەگى ءبولىم باستىعى، دەپارتامەنت ديرەكتورى، باسشىنىڭ كەڭەسشىسى نەمەسە باس ديرەكتور اراسىندا بەلگىلەندى. سونىمەن بىرگە، سۇرانىس جاعىنان بۇل جالاقى دەڭگەيى باسقارۋشى لاۋازىمدار ءۇشىن ەمەس، جوعارى بىلىكتى جۇيەلىك ينجەنەرلەر، باس ينجەنەرلەر جانە باس قۇرىلىسشىلار ءۇشىن ۇسىنىلدى.
سونىمەن قاتار، ەڭبەك نارىعىندا ەڭ سۇرانىسقا يە مەدبيكەلەر/مەيىرگەرلەر، اۆتوكولىك جۇرگىزۋشىلەرى، كۇزەتشىلەر، تاربيەشىلەر، سانيتارلار، بۋحگالتەرلەر بولىپ قالۋدا، ولاردىڭ جالاقىسى 75،4 مىڭ تەڭگەدەن 98،4 مىڭ تەڭگەگە دەيىن وزگەرەدى. بوس جۇمىس ورىندارىنىڭ سانى تۇيىندەمە سانىنان باسىم بولاتىن ەڭ تاپشى ماماندىقتاردىڭ قاتارىنا قاڭتار ايىندا كۇزەتشىلەر، سانيتارلار، تاربيەشىلەردىڭ كومەكشىلەرى، مەدبيكەلەر/مەيىرگەرلەر، ەلەكتر ماماندارى كىرەدى. بىلىكتى الەۋمەتتىك قىزمەتكەرلەر، زاڭگەرلەر، ءىس جۇرگىزۋشىلەر، دەنە شىنىقتىرۋ مۇعالىمدەرى كوپ بولدى.
بىلىكتىلىگى جوق ەڭبەككە دەگەن قاجەتتىلىكتى (ول ءالى دە جوعارى) ايتا وتىرىپ، قوسالقى جۇمىسشىلارعا سۇرانىستىڭ كۇرت تومەندەۋىن اتاپ وتكەن ءجون، ولار ءۇشىن بوس جۇمىس ورىندارىنىڭ سانى وتكەن جىلعى جەلتوقسانداعى 20،7 مىڭ بوس جۇمىس ورنىنان اعىمداعى جىلعى قاڭتاردا 2،8 مىڭعا دەيىن جەتى ەسەگە قىسقاردى.
وسىلايشا، قاڭتار ايىندا بوس ورىنداردىڭ جالپى قىسقارۋى جانە جۇمىس ىزدەۋشىلەردىڭ تۇيىندەمەسىنىڭ ۇلعايۋى اياسىندا نارىقتا جۇمىس ىزدەۋشىلەردىڭ داعدىلارى مەن جالاقى كۇتۋلەرىنىڭ تەڭگەرىمسىزدىگى بايقالادى.