ۇلتتىق بانك جاڭا كوللەكسيالىق مونەتالار شىعارادى

مونەتا Koshpendi Sadagy دەپ اتالادى.

مونەتالاردىڭ ساتىلىمعا تۇسەتىن كۇنىنە قاتىستى اقپارات قۇب-تىڭ رەسمي سايتىندا قوسىمشا جاريالانادى، دەپ حابارلايدى Almaty-akshamy.kz

ۇب مالىمەتىنشە، Koshpendi Sadagy كوللەكسيالىق مونەتالارى كۇمىستەن (التىن جالاتىلعان) جاسالعان. ماسساسى 31،1 گرامم، ديامەترى 38،61 ميلليمەتر، دايىنداۋ ساپاسى proof، نومينالى 500 تەڭگەلىك، تارالىمى 5 000 دانا.

«Koshpendi Sadagy مونەتاسىنىڭ ريەۆەرسىندە ساداق اتىپ تۇرعان كوشپەندى جاۋىنگەردىڭ بەينەسى ورنالاسقان. ال مونەتانىڭ جوعارعى بولىگىندە كوشپەندىلەر قارۋىنىڭ سيمۆولى رەتىندە ۇشىپ بارا جاتقان جەبەلەر كورسەتىلگەن. مونەتا اۆەرسىنىڭ ورتالىق بولىگىندە قازاقستاننىڭ مەملەكەتتىك ەلتاڭباسى بەينەلەنگەن. بۇل قورعانىس قالقانىنىڭ اللەگورياسىن بىلدىرەدى. ەلتاڭبانىڭ اينالاسىندا ويۋ-ورنەك پەن مەملەكەتتىك جانە اعىلشىن تىلدەرىندەگى QAZAQSTAN RESPÝBLIKASY جانە REPUBLIC OF KAZAKHSTAN جازۋلارى، قۇب لوگوتيپى جانە مونەتا نومينالىنىڭ، دايىنداۋ مەتالىنىڭ، سىناما مەن ماسسانىڭ بەلگىلەرى ورنالاسقان»، - دەلىنگەن حابارلامادا.

كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق ءتۇرى بويىنشا، سونداي-اق بانكتىك شوتتارعا اۋدارۋعا جانە ەلىمىزدىڭ بارلىق بانكتەرىندە اۋدارۋ، ايىرباستاۋ ءۇشىن ولاردىڭ اتاۋلى قۇنى بويىنشا قابىلدانۋعا مىندەتتى.

كۇمىستەن جاسالعان مونەتالار مەملەكەتتىك، ورىس جانە اعىلشىن تىلدەرىندە ۇبك ساپا سەرتيفيكاتتارى بار كادەسىي قاپتاماسىندا شىعارىلادى. كوللەكسيالىق مونەتالار قازاقستاندىق تەڭگە سارايىندا جاسالعان.