ۇلتتىق بانك ينفلياسيا دەڭگەيىن بەس باعىت بويىنشا تومەندەتپەك

بەس باعىت بويىنشا جۇمىس قاراستىرىلعان.

ۇكىمەتتىڭ ينفلياسيانى باقىلاۋ ءتاسىلىن اتاۋلى الەۋمەتتىك كومەككە وزگەرتۋ ماسەلەسىن تالقىلاۋ باستالدى.  بۇل تۋرالى ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ ءمالىم ەتتى، دەپ حابارلايدى Almaty-akshamy.kz inbusiness.kz cىلتەمە جاساپ.

"قۇب ۇكىمەتپەن بىرلەسىپ ينفلياسيا دەڭگەيىن باقىلاۋ جانە تومەندەتۋ شارالارى كەشەنىن ازىرلەگەن بولاتىن جانە ول ءقازىر دە جۇزەگە اسىرىلىپ جاتىر. قۇجاتتا – ءوندىرىس كولەمىن ۇلعايتۋ، ساقتاۋ، تاۋارلار مەن كولىك لوگيستيكاسى، تاۋارلاردىڭ بولشەك ساۋداسى، باعانى باقىلاۋ، مونوپولياعا قارسى جانە سىرتقى ساۋدانى رەتتەۋ، جۇيەلى شارالار سياقتى نەگىزگى بەس باعىت بويىنشا جۇمىس قاراستىرىلعان" – دەدى سپيكەر.

سونداي-اق، ۇكىمەت الەۋمەتتىك ماڭىزى بار ونىمدەرگە باعانى تۇراقتاندىرۋ جۇمىستارىن دا جۇرگىزىپ وتىر.

"ۇكىمەتتىڭ ينفلياسيانى باقىلاۋ ءتاسىلىن اتاۋلى الەۋمەتتىك كومەككە وزگەرتۋ ماسەلەسىن تالقىلاۋ باستالدى. وسىلايشا، سۋبسيديالار ماقساتتى بولا الادى، ال تاۋارلاردى جەتكىزۋ مەن ءوندىرىستىڭ تابىستىلىعى ايتارلىقتاي سەرپىن الادى. ياعني، باسەكە مەن سۇرانىس ارقىلى باعا تۇراقتاندىرىلۋى كەرەك"، – دەيدى اقىلجان بايماعامبەتوۆ.

قۇب 2023 جىلى ينفلياسيانى تومەندەتۋ، 2025 جىلدان باستاپ ورتا مەرزىمدى ماقساتتاردى ورىنداۋ ءۇشىن سۇرانىستى ۇسىنىسپەن تەڭگەرىمدى ەتۋ ارقىلى اقشا-كرەديت شارتتارىن كۇشەيتىپ وتىر.

"تومەن ينفلياسيا دەڭگەيىن تارگەتتەپ، وعان قول جەتكىزە ءبىلۋ قاجەت. بۇل ماكروەكونوميكالىق تۇراقتىلىقتى قامتاماسىز ەتىپ قانا قويماي، شارۋاشىلىق جۇرگىزۋشى سۋبەكتىلەردىڭ ينفلياسيالىق كۇتۋلەرىن ماقساتتى كورسەتكىشكە جاقىنداتادى"، – دەپ تۇيىندەدى سپيكەر.