ۇلتتىق بانك بازالىق مولشەرلەمەنى تاعى كوتەردى

ۇلتتىق بانك بازالىق مولشەرلەمەنى 16،75%-عا دەيىن كوتەردى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ۇلتتىق بانك بازالىق مولشەرلەمەنى +/– 1 پ.ت. دالىزىمەن جىلدىق 16،75%-عا دەيىن كوتەرۋ تۋرالى شەشىم قابىلدادى. بۇل شەشىم بولجامدار مەن ناقتى دەرەكتەردىڭ تالداۋىنا نەگىزدەلدى. وعان گەوساياسي جاعدايدىڭ بەلگىسىزدىگى مەن سالدارى، سونداي-اق الەمدە ازىق-تۇلىكتىڭ جوعارى باعالارى ساقتالىپ وتىرعان سىرتقى ورتانىڭ فاكتورلارى نەگىز بولدى»، - دەلىنگەن حابارلامادا.

ۇلتتىق بانك بازالىق مولشەرلەمەنىڭ قازىرگى دەڭگەيىن جەتكىلىكتى جوعارى دەپ باعالاپ وتىر.

«بازالىق مولشەرلەمەنى ۇزاق ۋاقىت بويى بۇگىنگىدەي ماندەردە ساقتاۋ ينفلياسيانى تۇراقتاندىرۋعا جانە ونى ورتا مەرزىمدى پەرسپەكتيۆادا بىرتىندەپ تومەندەتۋگە مۇمكىندىك بەرەدى»،- دەپ ءتۇسىندىردى بانك.

ەسكە سالساق، 26 قازاندا ۇلتتىق بانك بازالىق مولشەرلەمەنى 16%-عا دەيىن كوتەرگەن ەدى. سونىمەن قاتار ۇب باسشىسى عالىمجان ءپىرماتوۆ جىل سوڭىنا بولجانىپ وتىرعان ينفلياسيا مەن اقشا-كرەديت تالاپتارىنىڭ باعالاۋلارىن ەسكەرگەندەرىن، بازالىق مولشەرلەمەنىڭ تاعى دا مۇمكىن ەكەنىن ايتقان ەدى.