قازاقستاندىق ەكس-بوكسشى گەنناديي گولوۆكين World Boxing ۇيىمىنىڭ پرەزيدەنتى بولىپ تاعايىندالعاننان كەيىن وقىرماندارىنا مالىمدەمە جاسادى، - دەپ حابارلايدى aqshamnews.kz ءتىلشىسى.
"ماعان World Boxing ۇيىمىن باسقارۋ سياقتى ۇلكەن جاۋاپكەرشىلىك جۇكتەلدى. بۇل – مەن ءۇشىن ۇلكەن مارتەبە. ءقازىر الەمنىڭ تۇكپىر-تۇكپىرىنەن قۇتتىقتاۋلار كەلىپ جاتىر جانە ولاردىڭ ءارقايسىسى مەن ءۇشىن ەرەكشە قۇندى. مەن جولىمدى اۋەسقوي رينگتەن باستاپ، وليمپيادا ويىندارىنا، الەم چەمپيونى اتاعىنا جانە تابىستى كاسىپقوي كارەراعا دەيىن جەتتىم. تۋعان ەلىمە جانە ءاربىر قازاقستاندىققا كورسەتكەن قولداۋلارى ءۇشىن العىس بىلدىرەمىن"، - دەيدى سپورتشى.
ول بوكستىڭ وليمپيادادا ساقتالۋى ءۇشىن ەڭبەك ەتەتىنىن ەرەكشە اتاپ ءوتتى.
"بۇگىن مەن جاڭا كەزەڭگە قادام باسىپ، بوكستىڭ بولاشاعى ءۇشىن قىزمەت ەتۋگە بەل بۋدىم. الدىمىزدا تۇرعان باستى ماقسات – وسى سپورت تۇرىنە دەگەن سەنىمدى قايتارۋ جانە ونىڭ وليمپيادالىق باعدارلامادا بەرىك ساقتالۋىن قامتاماسىز ەتۋ. ءبىز تاۋەلسىز ءارى وليمپيادالىق قۇندىلىقتارعا ادال بولامىز"، - دەدى ەكس-بوكسشى.
ايتا كەتەيىك، بۇعان دەيىن مەملەكەت باسشىسى قاسىم-جومارت توقايەۆ گەنناديي گولوۆكيندى حالىقارالىق بوكس فەدەراسياسىنىڭ پرەزيدەنتى اتانۋىمەن قۇتتىقتاعان ەدى.