ۇلكەن الماتى وزەنىنىڭ ارناسى تازارتىلماق

دەپارتامەنت ماماندارىنىڭ سوزىنە سەنسەك، مونيتورينگ جۇمىسىنىڭ ناتيجەسى 1 اپتادا ايقىن كورىنەدى

ۇلكەن الماتى وزەنى ارناسى لاستانىپ بارادى. قوقىس ورداسىنا اينالعان بۇل ورىندا سەرۋەن قۇرىپ، دەمالۋ مۇمكىن ەمەس، دەپ حابارلايدى Almaty-akshamy.kz Almaty.tv-گە سىلتەمە جاساپ.

كوكتەم كەلگەنىمەن، ۇلكەن الماتى وزەنىنىڭ جاعدايى كوڭىل قۋانتپايدى. مۇندا ءتۇرلى پوليەتيلەندى پاكەتتەر، پلاستيكالىق قاعازداردى كەزدەستىرەسىز. ءقازىردىڭ وزىندە جاعىمسىز ءيىس شىعىپ، جاياۋ جۇرگىنشىلەر اۋماعى قوقىسقا تولعان.

«قازىرگى تاڭدا ەكولوگيا باسقارماسىنىڭ باسشىلىعىمەن كوميسسيا قۇرىپ وتىرمىز. الماتى قالاسى بويىنشا مونيتورينگ جۇرگىزەمىز»، – دەدى ەكولوگيا دەپارتامەنتىنىڭ رەسمي وكىلى ءادىل نۇرپەيىسوۆ.

«سايران كولىنىڭ جان-جاعىندا بيىل قورشاۋ جاساۋ جۇمىسى باستالادى. بىلتىر ەسەنتاي وزەنىنىڭ بويىنا جاسادىق»، – دەدى ەكولوگيا جانە قورشاعان ورتا باسقارماسى سۋ جانە سۋدى قاداعالاۋ ءبولىمىنىڭ باس مامانى ەسبول يبراگيموۆ.

دەپارتامەنت ماماندارىنىڭ سوزىنە سەنسەك، مونيتورينگ جۇمىسىنىڭ ناتيجەسى 1 اپتادا ايقىن كورىنەدى. قوقىستان بولەك، الاڭداتار جايت تاعى بار. ول - قورشاۋلارعا سالىنعان ەسىرتكى ساتاتىن ينتەرنەت دۇكەندەردىڭ ترافارەتتىك جارناماسى. باسپالداقتار مەن جاياۋ جۇرگىنشىلەر جولىنىڭ جاعدايى دا ءماز ەمەس. جاعالاۋ اباتتاندىرۋدى قاجەت ەتەدى. بۇل ماسەلەلەرگە قاتىستى ماماندار الدا جۇمىس جالعاسادى دەپ سەندىردى.