قاردىڭ قارقىندى ەرۋى مەن اپتاپ ىستىقتان ۇلكەن الماتى وزەنىندەگى سۋ دەڭگەيى كوتەرىلدى، دەپ حابارلايدى Almaty-akshamy.kz.
«ۇلكەن الماتى وزەنىنىڭ 6 نەگىزگى سالاسى بار، سۋدىڭ ورتاشا شىعىنى – 4-6 م3/س. الداعى كۇندەرى الماتىدا ىستىق اۋا رايى ساقتالادى. ۇلكەن الماتى وزەنىندەگى سۋ دەڭگەيىنىڭ كوتەرىلۋى كەشكى ۋاقىتتاردا (ساعات 18.00 - 00.00) بولادى. وسىعان بايلانىستى، الماتى تجد كەشكى ۋاقىتتا ۇلكەن الماتى وزەنىنىڭ ارناسىنا جاقىن جەردە بولماۋعا شاقىرادى»، - دەلىنگەن تجد حابارلاماسىندا.
سونداي-اق تجد ۇلكەن الماتى وزەنىندەگى سۋ دەڭگەيىنىڭ كوتەرىلۋى مورەنالىق كولدەردىڭ ەرۋىنە بايلانىستى ەمەس ەكەنىن حابارلادى
«قازىرگى ۋاقىتتا كولدەر قىسقى رەجيمنەن شىعىپ، مۇزبەن جابىلعان. وسىعان بايلانىستى قالا حالقى مەن ينفراقۇرىلىمىنا ءقاۋىپ ءتونىپ تۇرعان جوق. جاعداي الماتى قالاسى تجد جانە «قازسەلدەنقورعاۋ» دەپارتامەنتىنىڭ تۇراقتى باقىلاۋىندا»، - دەپ حابارلادى ۆەدومستۆودان.