ءال-فارابي داڭعىلىنىڭ دوستىق داڭعىلىنان اسقاروۆ كوشەسىنە دەيىنگى جالپى ۇزىندىعى 9 شاقىرىمنان اساتىن بولىگىندە كولىك قوزعالىسىن ءىشىنارا شەكتەي وتىرىپ ورتاشا جوندەۋ جۇمىستارى باستالدى. سونىمەن قاتار 6 ماۋسىمنان باستاپ ءال-فارابي داڭعىلىندا ەسەنتاي وزەنىنەن وتەتىن كوپىر بويىندا رەكونسترۋكسيا جۇمىستارى جۇرگىزىلۋدە، دەپ حابارلايدى almaty-akshamy.kz
جوبا بويىنشا كوپىر رەكونسترۋكسيادان ءوتىپ، ەكى جاياۋ جۇرگىنشىلەرگە ارنالعان ارنايى كوپىر سالىناتىن بولادى. قازىرگى تاڭدا ينجەنەرلىك كوممۋنيكاسيالاردى قايتا ورنالاستىرۋ جانە اينالىپ ءوتۋ جولىن اشۋ ءۇشىن ءبولۋ جولاعىندا دايىندىق جۇمىستارى ءجۇرىپ جاتىر.
سونداي-اق ورتاشا جوندەۋ جۇمىستارى اباي داڭعىلىنىڭ دوستىق داڭعىلىنان تىلەندييەۆ كوشەسىنە دەيىنگى بولىگىندە دە باستالدى. قالا تۇرعىندارىنا ىڭعايلى بولۋى ءۇشىن جۇمىس بارىسىندا كولىك قوزعالىسى ءىشىنارا عانا شەكتەلەدى. ماگيسترالدى كوشەلەردىڭ ورتاشا جوندەۋ جۇمىستارىن وقۋ جىلىنىڭ باسىنا دەيىن اياقتاۋ جوسپارلانعان.
ءال-فارابي داڭعىلى بۇعان دەيىن 2010 جىلى، ال اباي داڭعىلى 2012 جىلى جوندەلگەن. جوندەۋارالىق مەرزىمنىڭ وتۋىنە بايلانىستى تەكسەرۋ جۇمىستارى جۇرگىزىلىا، ناتيجەسىندە جول بويىندا شۇڭقىر، ويىلعان، جارىلعان، وتىرعان جەرلەر انىقتالىپ، جولدىڭ جاعدايى تۋرالى تەحنيكالىق قورىتىندى جاسالدى. تەحنيكالىق قورىتىندى نەگىزىندە اتالعان ۋچاسكەلەردى ورتاشا جوندەۋ جۇمىسى جوسپارىنا قوسىلدى.
اتالعان جۇمىستار ورتاشا جول جوندەۋ جۇمىستارى اياسىندا جوسپارلانعان. جول جوندەۋ جۇمىستارىنا بايلانىستى كولىك قوزعالىسىنىڭ شەكتەلۋى تۋرالى اقپارات ب ا ق ارقىلى الدىن الا جاريالانىپ وتىراتىن بولادى. كەلتىرىلگەن قولايسىزدىقتار ءۇشىن كەشىرىم وتىنەمىز جانە جول ءجۇرۋ باعىتتارىڭىزدى الدىن الا جوسپارلاۋلارىڭىزدى سۇرايمىز.
الماتى قالالىق موبيلدىلىك باسقارماسى