ءبىزدى ەڭ قۋانتقان تۇيتكىلدى ماسەلەلەر كورىنىس تاپتى. بىرىنشىدەن، بۇل جەر ماسەلەسى. جەر ماسەلەسى بۇل كوپتەن بەرى حالىقتىڭ كوكەيىندە جۇرگەن ۇلكەن، كۇردەلى كوكەيكەستى ماسەلەسى دەپ ايتۋعا بولادى. ەكىنشى كوتەرىلگەن جاقسى ءبىر ماسەلە – بۇل ءولىم جازاسىن الىپ تاستاۋ. ءبىر ادامدى ءولىم جازاسىنا كەسۋگە ەشقانداي قۇقىعى جوق دەگەن ماسەلە ناقتى كورسەتىلدى.
تاعى ءبىر قۋانتارلىق جايت، بۇل كونستيتۋسيالىق سوت ءتوراعاسى، مۇشەلەرى، زاڭ ورىندارى، قاۋىپسىزدىك كوميتەت قىزمەتكەرلەرى – بۇلاردىڭ بارلىعى ساياسي پارتيالاردا بولماۋى ءتيىس دەگەن ناقتى كورسەتىلدى. بۇل ءبىزدىڭ قوعامنىڭ اشىق، دەموكتاريالى قوعام رەتىندە الداعى ۋاقىتتا دامۋىنا ۇلكەن ءوزىنىڭ سەپتىگىن تيگىزەدى دەپ ويلايمىز. مىسالى، سونىڭ ىشىندە پرەزيدەنتتىڭ جاقىن تۋعان-تۋىستارى ەشقانداي باسشىلىق ورىنداردا، ساياسي مەملەكەتتىك قىزمەتتە بولماۋ كەرەك ەكەندىگى – مۇنىڭ بارلىعى بولاشاقتا، كەلەشەكتە ءبىزدىڭ ۇرپاقتىڭ حالىقتىڭ مۇددەسى ءۇشىن جۇمىس جاساۋىنا مول مۇمكىندىك تۋعىزادى دەگەن ويدامىن.