الدا كەلە جاتقان مەملەكەت باسشىسىنىڭ باستاماسىمەن جاسالىپ جاتقان رەفەرەندۋمعا بۇكىل حالىق قاتىسۋى كەرەك دەپ ەسەپتەيمىن جانە قولداۋ كەرەك. بۇل رەفەرەندۋم ەل پرەزيدەنتى قاسىم-جومارت توقايەۆ ايتىپ جۇرگەن ەكىنشى رەسپۋبليكا دەگەن ۇعىمنىڭ شىن مانىندە ورناتاتىن، تاعدىرشەشتى، بەتبۇرىستى ۇلكەن وقيعا دەر ەدىم. جانە سوعان ءبىز ءبارىمىز بەلسەندى تۇردە اتسالىسۋىمىز كەرەك.
كوپ جاعدايدا حالىق سايلاۋعا بارماي جاتادى. وسىنداي ءبىر ۇلكەن-ۇلكەن تاڭداۋلاردا سىرت قالىپ جاتادى. سوسىن ارتىنان ايقاي-شۋ شىعىپ جاتادى. بۇل نەگە وسىلاي، نەگە بۇلاي دەگەن سياقتى. ءبىزدىڭ مەملەكەت نەگە باسقا جولمەن كەتىپ بارا جاتىر دەگەن سەكىلدى. ەندى مەملەكەتتىڭ ءوزى مۇمكىندىك بەرىپ تۇرعان كەزدە، بۇل رەفەرەندۋمعا ءبارىمىز بەلسەندى تۇردە قاتىسۋىمىز قاجەت. جانە وزىمىزگە ۇنايتىن، ءوزىمىز قالاعان جانە ءوزىمىز تاڭداپ العان باعىتقا قول قويۋىمىز كەرەك دەپ ەسەپتەيمىن. مەنىڭشە، وسى قاڭتار وقيعاسىنان كەيىن قوعامدىق سانا مۇلدە وزگەردى. مۇلدەم باسقا ساناداعى، مۇلدە باسا تۇيسىكتەگى ۇلتقا اينالدىق دەپ ەسەپتەيمىن. سوندىقتان ءبىز رەفەرەندۋمعا باسقا، جاڭارعان سانا-سەزىممەن بارامىز دەپ ويلايمىن.