ۇلاندىقتار ساياسي ماڭىزدى كۇندە تىس قالمادى. قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعى باسقارماسىنىڭ ۇجىمى تىكەلەي ەفيردەن ونلاين فورماتتا پرەزيدەنت جولداۋىن تىڭدادى.
«وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور تالاپكەر امىرەيەۆتىڭ باسشىلىعىمەن باسقارمانىڭ وفيسەرلەرى مەن اسكەري قىزمەتشىلەرى ءماجىلىس زالىنا جينالىپ، قازاقستان رەسپۋبليكاسى پرەزيدەنتىنىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋىن تىڭداپ، ءوز قولداۋلارىن ءبىلدىردى.
بۇگىنگى جولداۋدا، قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى قوعامدا زاڭ مەن ءتارتىپ يدەولوگياسىن تەرەڭ ورنىقتىرۋ قاجەتىلىگىن اتاپ ءوتتى. سونىمەن قاتار اسكەري قۇرىلىمدارداعى تارتىپكە دە باستى نازار اۋداردى.
«اسكەر قاتارىندا زاڭ مەن ءتارتىپتىڭ ساقتالۋى – ايرىقشا ماڭىزدى مىندەت. جاستار اسكەرگە وتان الدىنداعى بورىشىن وتەۋگە بارادى. جاس ساربازدارىمىز ءوز مىندەتىن الاڭسىز ورىنداۋى ءۇشىن اسكەر قاتارىندا، ەڭ الدىمەن، تەمىردەي ءتارتىپ بولۋعا ءتيىس. قارۋلى كۇشتەر مەن باسقا دا كۇشتىك قۇرىلىمدار وسى تالاپتى مۇلتىكسىز ورىنداۋى قاجەت. ءار اتا-انا اسكەرگە كەتكەن بالاسىن مەملەكەتكە سەنىپ تاپسىرادى. سوندىقتان ساربازداردىڭ دەنساۋلىعى مەن قاۋىپسىزدىگىنە، ەڭ الدىمەن، ارميا باسشىلىعى جانە قۇقىق قورعاۋ مەكەمەلەرىنىڭ باسشىلارى جاۋاپتى»، – دەدى مەملەكەت باسشىسى.
جولداۋدان كەيىن «وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور تالاپكەر امىرەيەۆ باسقارما جەكە قۇرامىنا پرەزيدەنتتىڭ جۇرگىزىپ وتىرعان ساياساتىنىڭ ماڭىزدىلىعىن جالپىلاما ءتۇسىندىرىپ، ونى جۇزەگە اسىرۋدا باسقارما باسشىلارىنا ءبىرقاتار تاپسىرمالار قويدى.
– توعىز باعىتتان تۇراتىن بۇل جولداۋ قازىرگى جاعدايدا الدىمىزدا تۇرعان باستى مىندەتتەردى شەشۋدە نەگىزگى ءرول اتقارادى دەپ سەنەمىن. الداعى ۋاقىتتا، بارلىق اسكەري بولىمدەردە جولداۋدى جان-جاقتى ءتۇسىندىرۋ جۇمىستارى جۇرگىزىلەتىن بولادى. مەملەكەت باسشىسىنىڭ جولاۋىنا قولاۋ بىلدىرە وتىرىپ، قۇقىقتىق ءتارتىپ اسكەرىنىڭ جەكە قۇرامى دا اتالعان مىندەتتەرگە جەتۋ ءۇشىن تاباندى ەڭبەك ەتەتىنىنە سەنىم بىلدىرەمىن، – دەپ اتاپ ءوتتى گەنەرال-مايور تالاپكەر امىرەيەۆ.
مەملەكەت باسشىسىنىڭ جولداۋىن جۇزەگە اسىرۋ ماقساتىندا وڭىرلىك قولباسشىلىققا قاراستى بارلىق اسكەري بولىمدەردە ءتيىستى شارالار وتكىزىلەتىن بولادى.
ايتا كەتەيىك، مۇنداي ءىس-شارا قولباسشىلىققا قاراستى بارلىق اسكەري بولىمدە دە ۇيىمداستىرىلدى.