الماتىدا بايقاداموۆ پەن گاگارين كوشەلەرىنىڭ قيىلىسىندا 1984 جىلدان بەرى پايدالانىلىپ كەلە جاتقان قۇبىر اۋىستىرىلدى. ۋچاسكەنىڭ ۇزىندىعى 1220 مەتردى قۇرادى.
بۇل قۇبىر 97 كوپپاتەرلى تۇرعىن ءۇيدى، 12 جەكە ءۇيدى، 4 بالاباقشانى، 2 دەنساۋلىق ساقتاۋ وبەكتىسىن جانە 27 وزگە دە نىساندى جىلۋمەن جانە ىستىق سۋمەن قامتاماسىز ەتەدى. اتالعان تۇتىنۋشىلارعا رەكونسترۋكسيا جۇرگىزۋ كەزەڭىندە ىستىق سۋمەن جابدىقتاۋ ساقتالدى.
جالپى، قالادا اعىمداعى جىلى الماتى اكىمى ەربولات دوسايەۆتىڭ تاپسىرماسى بويىنشا 20 كم جىلۋ جەلىسىن قايتا جاڭارتۋ جوسپارلانۋدا. الماتىنىڭ 6 اۋدانىندا جىلۋ ارالىق كەزەڭگە جوسپارلانعان رەكونسترۋكسيا بەكىتىلگەن كەستەگە سايكەس جۇرگىزىلەدى. ونىڭ نەگىزگى بولىگى سوڭعى كەزەڭگە ءوتتى.
ەستەرىڭىزگە سالا كەتەيىك، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە بار.