ءقازىر بەرەشەكتىڭ جالپى سوماسى 13 ميلليارد تەڭگەگە جەتكەن.
ەلىمىزدە ۇل-قىزدارىنا اليمەنت تولەمەي قاشىپ جۇرگەن 11 مىڭ ايەل بار، دەپ حابارلايدى اlmaty-akshamy.kz ينفورمبيۋرو اقپاراتتىق باعدارلاماسىنا سىلتەمە جاساپ.
دەگەنمەن، تۋعان بالالارىنا اقشا تولەۋدەن جالتارىپ جۇرگەندەردىڭ دەنىن ءالى دە ەر ازاماتتار قۇراپ وتىر. ولاردىڭ سانى 281 مىڭ ادام. ءقازىر بەرەشەكتىڭ جالپى سوماسى 13 ميلليارد تەڭگەگە جەتكەن.
وكىنىشكە قاراي، اليمەنت تولەي الماعانداردىڭ اراسىندا شەتەلگە شىعۋعا شەكتەۋ قويىلعانى، اكىمشىلىك جاۋاپكەرشىلىككە تارتىلعانى جانە سوتتالعاندارى دا ازايماي تۇر. سوندىقتان مەملەكەت 13 مىڭنان استام اكەنى جۇمىسقا ورنالاستىرعان.
جىل باسىنان بەرى پروبلەمالىق اليمەنتتەر سانى بويىنشا 16 197 ءىس وندىرىسكە الىنىپ، قارىز مولشەرى 20،7 ملرد تەڭگەگە جەتكەن. ءقازىر پروبلەمالىق اليمەنتتەر 21%-عا دەيىن تومەندەدى، ياعني، 13 ملرد تەڭگەگە وندىرىسكە الىنعان 12 883 ءىس بار. ورتاشا العاندا اليمەنت ءوندىرىسىنىڭ 95%-دان استامى سوت ورىنداۋشىلارىنىڭ تالاپتارىن ەش قيىندىقسىز ورىندايتىن جۇمىس بەرۋشىلەردىڭ ەسەپتىك قىزمەتتەرى ارقىلى وندىرىلەدى.
ءقازىر 7 مىڭنان استام بورىشكەرگە قاتىستى قازاقستان رەسپۋبليكاسىنان تىس جەرلەرگە شىعۋعا ۋاقىتشا شەكتەۋلەر قويدى.
بيىل اليمەنت بويىنشا مىندەتتەمەلەردى ورىنداماعانى ءۇشىن 1 875 بورىشكەر اكىمشىلىك جاۋاپكەرشىلىككە تارتىلدى. بورىشكەردى قىلمىستىق جاۋاپكەرشىلىككە تارتۋ ءۇشىن ق ر قك-نىڭ 139-بابى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە 304 ءىس تىركەلىپ، ونىڭ ىشىندە 115 ءىس سوتقا جىبەرىلىپ، 55 بورىشكەر سوتتالدى.