ۋكراينانىڭ ودەسسا جانە حاركوۆ وبلىستارىنداعى جاعدايدىڭ شيەلەنىسۋىنە جانە قاۋىپسىزدىك قاتەرىنىڭ ارتۋىنا بايلانىستى قازاقستان رەسپۋبليكاسىنىڭ ۋكرايناداعى ەلشىلىگى قازاقستان ازاماتتارىنا وسى ايماقتاردان كەتۋ مۇمكىندىگىن قاراستىرۋدى ۇسىنادى، دەپ حابارلايدى اlmaty-akshamy.kz.
ۋكراينادان قازاقستانعا شىعۋ ءۇشىن قازاقستان رەسپۋبليكاسىنىڭ ازاماتتارى پولشا نەمەسە مولدوۆا ارقىلى وتەتىن جەرۇستى باعىتتارىن، ودان كەيىن كوممەرسيالىق رەيستەردى پايدالانا الاتىنىن ەسكەرتەمىز. پولشا ارقىلى كەتكەن جاعدايدا قازاقستان ازاماتتارىندا شەنگەن ۆيزاسى بولۋى كەرەك، مولدوۆا ارقىلى قايتۋ ءۇشىن ۆيزا تالاپ ەتىلمەيدى، - دەلىنگەن ەلشىلىك تاراتقان حابارلامادا.
سونىمەن بىرگە، ەلشىلىك بارلىق ازاماتتاردى اۋە شابۋىلى تۋرالى ەسكەرتۋدى ەسكەرىپ جانە دەرەۋ بومبادان قورعاناتىن ورىنعا وتۋگە شاقىرادى.
ەلشىلىكتىڭ بايلانىس تەلەفوندارى: +38(044) 4831596، +38(044) 4891031. قازاقستان ازاماتتارىنا ارنالعان سەنىم تەلەفونى (توتەنشە جاعداي كەزىندە): +380673470408.