ناقتى سانىن ايتۋ قيىنعا سوعادى.
قازاقستان سىرتقى ىستەر مينيسترلىگى ۋكرايناداعى جاعدايعا قاتىستى مالىمدەمە جاسادى، دەپ حابارلايدى aqshamnews.kz
سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۋكرايناداعى جاعدايعا قاتىستى تۇسىنىكتەمە بەردى.
قازىرگى كەزدە قازاقستاننىڭ ۋكرايناداعى ەلشىلىگى شتاتتىق رەجيمدە جۇمىس ىستەپ جاتىر. بۇدان بولەك مينيسترلىكتە الەمدەگى جاعدايعا مونيتورينگ جاسايتىن ارنايى احۋالدىق ورتالىق بار.
"ءبىزدىڭ مالىمەتىمىزگە سايكەس، كييەۆتەگى شەتەلدىك ديپلوماتيالىق كورپۋس ءوز جۇمىسىن جالعاستىرۋدا جانە ازاماتتارىن ەۆاكۋاسيالاپ جاتقان جوق. قازاقستاندىقتاردان دا ەۆاكۋاسيالاۋ بويىنشا وتىنىشتەر تۇسكەن جوق جانە قازىرگى ۋاقىتتا ارنايى ۇشاقتاردى جىبەرۋ جوسپاردا جوق"، - دەيدى سمادياروۆ.
ۋكرايناداعى اسكەري قاقتىعىستىڭ جالعاسىپ جاتقانىنا ەكى جىلدان استى. سودان بەرى ءبىراز ادام ەلدەن شىعىپ كەتتى.
"ءبىراق ءبىزدىڭ ەسەبىمىز بويىنشا ۋكراينادا ءقازىر 300-گە جۋىق قازاقستان ازاماتى بولۋى مۇمكىن. ناقتى سانىن ايتۋ قيىنعا سوعادى. وعان قاراماستان، بىرنەشە كۇن بۇرىن ءبىز ۋكرايناداعى قازاقستاندىقتارعا ەل اۋماعىنان كەتۋ تۋرالى حابارلاما جاسادىق. قازاق ديپلوماتتارى ءوتىنىش تۇسكەن جاعدايدا بارلىق قاجەتتى كومەكتى كورسەتەدى. دەگەنمەن جاعدايدىڭ ودان ءارى دامۋىنا بايلانىستى ءوز ارەكەتىمىزدى جاسايمىز"، - دەپ اتاپ كورسەتتى مينيسترلىكتىڭ رەسمي وكىلى.