بۇگىن قازاقستاندا ۇكىمەتتىڭ كەڭەيتىلگەن وتىرىسى ءوتتى. وتىرىستى اشقان مەملەكەت باسشىسى قاسىم-جومارت توقايەۆ ۇكىمەت پەن اكىمدەردىڭ جۇمىسىنىڭ تيىمدىلىگى ەكونوميكانىڭ دامۋ كورسەتكىشتەرى مەن حالىقتىڭ تۇرمىس ساپاسىنا بايلانىستى ەكەنىن اتاپ ءوتتى، دەپ حابارلايدى aqshamnews.kz
پرەزيدەنت:
– «ۇكىمەت پەن اكىمدەردىڭ جۇمىسى قانشالىقتى ءتيىمدى ەكەنىن الدىمەن ەكونوميكانىڭ دامۋ كورسەتكىشتەرى مەن ازاماتتاردىڭ تۇرمىس ساپاسىنا قاراي باعالايمىز. وسى جۇمىستىڭ ناتيجەسى بىلتىر قانداي بولدى؟ نەگىزگى مىندەتتەر ورىندالدى ما؟ بۇگىن وسى سۇراقتارعا توقتالامىز جانە جاقىن ارادا شەشىمىن تابۋعا ءتيىس وزەكتى ماسەلەلەردى تالقىلايمىز»، – دەدى.
كۇن تارتىبىنە سايكەس، جيىندا ەلدىڭ الەۋمەتتىك-ەكونوميكالىق دامۋى مەن وزەكتى ماسەلەلەر بويىنشا ءبىرقاتار باياندامالار تىڭدالدى. بايانداماشىلار قاتارىندا:
پرەمەر-مينيستر ولجاس بەكتەنوۆ،
پرەمەر-مينيستردىڭ ورىنباسارى سەرىك جۇمانعارين،
ۇلتتىق بانك ءتوراعاسى تيمۋر سۇلەيمەنوۆ،
«سامۇرىق-قازىنا» اق باسقارما ءتوراعاسى نۇرلان جاقىپوۆ،
استانا قالاسىنىڭ اكىمى جەڭىس قاسىمبەك،
شىمكەنت قالاسىنىڭ اكىمى عابيت سىزدىقبەكوۆ،
قىزىلوردا وبلىسىنىڭ اكىمى نۇرلىبەك نالىبايەۆ بولدى.
وتىرىستا 2023 جىلدىڭ نەگىزگى الەۋمەتتىك-ەكونوميكالىق كورسەتكىشتەرى قورىتىندىلانىپ، ەلدىڭ دامۋىنداعى ماڭىزدى ماسەلەلەر مەن ولاردى شەشۋ جولدارى تالقىلانۋدا. سونىمەن قاتار، پرەزيدەنت الداعى ۋاقىتقا ارنالعان باستى مىندەتتەر مەن باسىمدىقتاردى ايقىنداۋعا ەرەكشە كوڭىل ءبولدى.