تەمىرجول ينفراقۇرىلىمىن دامىتۋ جوسپارى تالقىلاندى
ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن كەڭەستە تاۋ-كەن مەتاللۋرگيا كومپانيالارى قىزمەتىنىڭ جانە سالانى دامىتۋدىڭ ءبىرقاتار وزەكتى ماسەلەسى قارالدى. بۇل تۋرالى Almaty-akshamy.kz ۇكىمەت سايتىنا سىلتەمە جاساپ حابارلايدى.
كەڭەسكە قاتىسۋشىلار جاڭا ينۆەستيسيالىق جوبالاردى ىسكە قوسۋ، پەرسپەكتيۆالى كەن ورىندارىن يگەرۋ جانە شيكىزات پەن وتىندى تاسىمالداۋ ءۇشىن تەمىرجول ينفراقۇرىلىمىن دامىتۋ جوسپارلارىن تالقىلادى.
سونىمەن قاتار تەمىرجول تاسىمالىنا تاريف بەلگىلەۋ، ءونىم ەكسپورتىن ۇلعايتۋ، ونەركاسىپ نىساندارىن گازبەن قامتاماسىز ەتۋ جانە باسقا دا ءبىرقاتار ماسەلە قوزعالدى.
كەڭەسكە «قازاقستان تەمىر جولى» جانە QazaqGaz ۇلتتىق كومپانيالارىنىڭ، سونداي-اق ورتالىق مەملەكەتتىك ورگانداردىڭ باسشىلارى قاتىستى.
پرەمەر-مينيستر ۋاكىلەتتى ۆەدومستۆولارعا بيزنەس وكىلدەرى كوتەرەتىن تۇيتكىلدى ماسەلەلەر بويىنشا شارالاردى پىسىقتاۋدى جەدەلدەتۋدى جانە كەلەسى كەڭەستە ناقتى ۇسىنىستار بەرۋدى تاپسىردى.