بىلتىر مەدەۋ اۋدانىندا 5،4 كم سۋمەن قامتۋ جانە كارىز جەلىلەرى سالىنىپ، قايتا جاڭارتىلدى. 2023 جىلى جۇمىستار كولەمى ەداۋىر ۇلعايىپ، 64،7 كم سۋ قۇبىرى جانە كارىز جەلىسىن سالۋ جوسپارلانعان. بۇل تۋرالى قالا اكىمى ەربولات دوسايەۆ ەسەپ بەرۋ كەزدەسۋىندە حابارلادى، دەپ حابارلايدى Almaty-akshamy.kz.
«2014 جىلى مەدەۋ اۋدانىنا الماتى وبلىسى تالعار اۋدانىنىڭ اۋماعى قوسىلعان سوڭ، شاعىناۋدانداردىڭ تۇرعىندارىن ساپالى سۋمەن جانە كارىزبەن قامتۋ قاجەتتىلىگى تۋىندادى. جىل سوڭىنا دەيىن "كولساي"، "كەڭساي"، "سۇلۋساي"، "كومپوت"، "مۇزتاۋ" شاعىناۋداندارىنىڭ جانە حاليۋللين كوشەسىنىڭ 19 مىڭنان استام تۇرعىنى ساپالى سۋمەن جانە كارىز جۇيەسىمەن قامتىلادى»، - دەدى قالا اكىمى ەربولات دوسايەۆ ەسەپ بەرۋ كەزدەسۋىندە.
بۇعان قوسا، "دۋمان" شاعىناۋدانىندا 14 كم سۋ قۇبىرى مەن كارىز جەلىسىن سالۋعا جوبالاۋ-سمەتالىق قۇجاتتاما ازىرلەنىپ جاتىر.