ۆيسە-پرەمەر سەرىك ءجۇمانعاريننىڭ توراعالىعىمەن وتكەن ۇكىمەتتەگى كەڭەستە وڭىرلەردە ۇلكەن جوبا بويىنشا سالىنىپ جاتقان ءتاۋارلى-سۇت فەرمالارىنىڭ قۇرىلىس بارىسى قارالدى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
سقو-نىڭ ءتاۋارلى-سۇت فەرمالارى قۇرىلىسىنا جەڭىلدىكپەن نەسيە بەرۋ نەمەسە ۇلكەن جوبا بويىنشا وڭ تاجىريبەنى تاراتۋ 2023 جىلى باستالدى. 100 ملرد تەڭگەنىڭ ءبىرىنشى ترانشىنا جىلدىق 2،5%-بەن 2024 جىلى 65 تسف سالىنۋى ءتيىس. ەڭ كوپ جاڭا كاسىپورىن سقو-دا سالىنۋدا، وندا 17 جوبا ىسكە اسىرىلىپ جاتىر. جيناقتالعان تاجىريبەنى ەسكەرە وتىرىپ، مۇندا ۇلكەن جوبا بويىنشا 17 ملرد تەڭگە كولەمىندەگى قاراجات نەگىزىنەن مال ساتىپ الۋعا جانە جاڭا تسف-نىڭ قۇرىلىس-مونتاجداۋ جۇمىستارىنا بەرىلدى. بۇل رەتتە جالپى سوماسى 54،5 ملرد تەڭگەنى قۇرايتىن جاڭا 17 تسف قۇرىلىسىنا قاجەتتى قالعان ينۆەستيسيانى كاسىپكەرلەر سالدى. 12 جوبا الماتى، 7 – اقمولا، 6 – پاۆلودار جانە شىعىس قازاقستان، 5 – قوستاناي، 4 – باتىس قازاقستان، 3 – جەتىسۋ، 2 – تۇركىستان جانە اباي وبلىستارىندا، 1 جوبا – اقتوبە وبلىسىندا جۇزەگە اسىرىلىپ جاتىر.
جيىندا اۋىل شارۋاشىلىعى ۆيسە-مينيسترى ەرمەك كەنجەحان ۇلى اتاپ وتكەندەي، قازىرگى ۋاقىتتا جالپى قۇنى 100 ملرد تەڭگە بولاتىن 2023 جىلعى ترانشتىڭ يگەرىلۋى 94،4%-دى قۇرايدى. ءقازىردىڭ وزىندە 20 تسف سالىنىپ، پايدالانۋعا بەرىلدى، 24 جوبا بويىنشا جۇمىستار اياقتالۋدا. اتاپ ايتقاندا، اباي، تۇركىستان جانە جەتىسۋ وبلىستارىندا جوبالار تولىعىمەن ىسكە اسىرىلىپ، پاۆلودار، اقتوبە جانە باتىس قازاقستان وبلىستارىندا جوبا جۇمىستارى اياقتالۋدا. 21 جوبا پايدالانۋعا بەرۋ مەرزىمىنەن كەشىكتىرىلۋى مۇمكىن. شىعىس قازاقستان جانە الماتى وبلىستارى مەرزىمىنەن الدەقايدا ارتتا قالىپ وتىر. بۇل ايماقتاردا 86% جانە 71،7% دەڭگەيىندە ەڭ از قاراجات يگەرىلگەن. مىسالى، الماتى وبلىسىندا قۇرىلىسىنا 15 ملرد تەڭگە ءبولىنىپ، جوسپارلانعان 12 ءتاۋارلى-سۇت فەرماسى بويىنشا التى جوبانىڭ ىسكە اسىرۋ مەرزىمدەرىنىڭ بۇزىلۋ ءقاۋپى بار. شقو-دا 2023 جىلى قاراجات بولىنگەن، جوسپارداعى 6 جوبانىڭ بىرەۋى ءالى ىسكە اسىرىلاتىنى انىقتالعان جوق.
ۆيسە-پرەمەر سەرىك جۇمانعارين جوبالاردىڭ كەشەۋىلدەۋىنە قاتىستى ءوڭىر باسشىلارىن تىڭداپ، ىسكە اسىرۋى بيىلعا جوسپارلانعان بارلىق جوبانىڭ ءتورتىنشى توقساندا اياقتالۋىن جەدەلدەتۋدى تاپسىردى.