IT-ماماندارىنا اسكەري قىزمەتتى كەيىنگە قالدىرۋ، وتاندىق IT-شەشىمدەردى ەنگىزۋ ءۇشىن جەڭىلدىكتى كرەديت بەرۋ – ۇسىنىستىڭ ءبىر پاراسى.
ۇكىمەت ۇيىندە ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن داعدارىسقا قارسى شارالار جونىندەگى جەدەل شتابتىڭ كەزەكتى وتىرىسىنىڭ كۇن تارتىبىندە IT-سالاسىن قولداۋ جانە دامىتۋ ماسەلەسى تالقىلاندى، دەپ حابارلايدى Almaty-akshamy.kz ۇكىمەتتىڭ تەلەگرامداعى كانالىنا سىلتەمە جاساپ.
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات ءمۋسيننىڭ ايتۋىنشا، مينيسترلىك قالىپتاسقان جاعدايعا تۇراقتى نەگىزدە تالداۋ جۇرگىزىپ جاتىر جانە ساراپشىلار قاۋىمداستىعىمەن بىرلەسىپ، وتاندىق اقپاراتتىق تەحنولوگيالار سالاسىن قولداۋ بويىنشا ءبىرقاتار ۇسىنىس ازىرلەدى.
اتاپ ايتقاندا، IT-ماماندارىنا اسكەري قىزمەتتى كەيىنگە قالدىرۋ، وتاندىق IT-شەشىمدەردى ەنگىزۋ ءۇشىن جەڭىلدىكتى كرەديت بەرۋ، «Astana Hub»-تا ەكساۋماقتىلىق قاعيداتى بويىنشا سالىق پرەفەرەنسيالارىنىڭ قولدانىلۋىن 2029 جىلعا دەيىن ۇزارتۋ ۇسىنىلادى.
قازاقستاندا جۇمىس ىستەۋگە قىزىعۋشىلىق تانىتاتىن IT-ماماندارىنان كەلىپ تۇسەتىن ساۋالدارعا جەدەل جاۋاپ بەرۋ ءۇشىن ارنايى جۇمىس توبى قۇرىلدى، ونىڭ قۇرامىنا «Astana Hub» حالىقارالىق IT-ستارتاپتار تەحنوپاركىنىڭ، «ازاماتتارعا ارنالعان ۇكىمەت» كەاق، نۇر-سۇلتان جانە الماتى قالالارى اكىمدىكتەرىنىڭ وكىلدەرى كىردى.
جۇمىس توبىنىڭ قىزمەتى اياسىندا قازاقستانعا كەلۋگە مۇددەلى كومپانيالارمەن قارىم-قاتىناس جولعا قويىلعان. وزەكتى اقپاراتتى الۋ ءۇشىن ەلگە كىرۋ، تۇرۋ جانە كومپانيا اشۋ تۋرالى، سونداي-اق IT-سالاسىن مەملەكەتتىك قولداۋ شارالارى تۋرالى تولىق نۇسقاۋلىقتارى بار ۆەب-سايت قۇرىلدى. الەۋمەتتىك جەلىلەردە قاتىسۋشىلار بيزنەستى جۇرگىزۋگە قاتىستى سۇراقتارعا شۇعىل تۇردە جاۋاپ الا الاتىن توپ قۇرىلدى. IT-كومپانيالاردى كوشىرۋ كەزىندە قولداۋ كورسەتەتىن بەيىندى ۆەدومستۆولارمەن جۇمىس رەتكە كەلتىرىلدى.
وتىرىستى قورىتىندىلاي كەلە، ۇكىمەت باسشىسى ءاليحان سمايىلوۆ مۇددەلى مەملەكەتتىك ورگاندارمەن اتالعان قولداۋ شارالارىن پىسىقتاۋدى تاپسىردى.