ق ر پرەمەر-مينيسترى ءاليحان سمايىلوۆتىڭ وكىمىمەن ق ر ۇكىمەتى جانىنداعى داعدارىسقا قارسى شارالار جونىندەگى جەدەل شتاب قۇرىلدى، دەپ حابارلايدى اlmaty-akshamy.kz ۇكىمەت باسشىسىنىڭ باسپا ءسوز قىزمەتىنە سىلتەمە جاساپ.
جەدەل شتاب رەسەي فەدەراسياسىنا سانكسيالار پاكەتىنىڭ سالىنۋىنا جانە ولاردىڭ قازاقستان ەكونوميكاسىنا تيگىزەر اسەرىنە بايلانىستى ەكونوميكاداعى جانە بيزنەستەگى پروبلەمالىق ماسەلەلەردى قاراپ، شەشەتىن بولادى.
جەدەل شتاب قۇرامىنا نەگىزگى مەملەكەتتىك ورگانداردىڭ ءبىرىنشى باسشىلارى، كاسىپكەرلىك قاۋىمداستىعىنىڭ وكىلدەرى جانە سالالىق ساراپشىلار كىردى.
سونىمەن قاتار جەدەل شتابتىڭ الداعى جۇمىسىنا وتاندىق بيزنەس پەن ساراپشىلار قاۋىمداستىعىنىڭ باسقا دا وكىلدەرى قاتىسا الادى.
بۇگىن ق ر پرەمەر-مينيسترىنىڭ ءبىرىنشى ورىنباسارى رومان سكلياردىڭ توراعالىعىمەن جەدەل شتابتىڭ العاشقى وتىرىسى ءوتتى. وندا كولىك جانە لوگيستيكا، كونتراگەنتتەر اراسىنداعى ءوزارا ەسەپ ايىرىسۋ ماسەلەلەرى، سونداي-اق وتاندىق بيزنەستىڭ باسقا دا ماسەلەلەرى تالقىلاندى.