قازاقستان پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى جەنيەۆاعا ساپارى بارىسىندا بۇۇ ادام قۇقىقتارى جونىندەگى جوعارعى كوميسسارى ميشەل باچەلەتپەن كەزدەستى، دەپ حابارلايدى اlmaty-akshamy.kz ءسىم سىلتەمە جاساپ.
كەزدەسۋ بارىسىندا تاراپتار 2022-2024 جىلدارى اقك-عا قازاقستاندىق مۇشەلىكتىڭ باسىمدىقتارىن جانە بۇۇ ادام قۇقىقتارى جونىندەگى جوعارعى كوميسسارى باسقارماسى (اقجكب) دەلەگاسياسىنىڭ قازاقستانعا ساپارىنىڭ قورىتىندىلارىن تالقىلادى، ونىڭ ناتيجەلەرى پرەزيدەنت قاسىم-جومارت توقايەۆتىڭ ادام قۇقىقتارىن قورعاۋ، دەموكراتيالىق قوعام قۇرۋ جانە «حالىق ۇنىنە قۇلاق اساتىن مەملەكەت» تۇجىرىمداماسىن ەنگىزۋ بولىگىندە باستاماشىلىق ەتكەن ساياسي رەفورمالاردى ىسكە اسىرۋدا تەحنيكالىق كومەك كورسەتۋ ءۇشىن باسىم باعىتتاردى ايقىنداۋعا مۇمكىندىك بەرەدى.
م.تىلەۋبەردى قازاقستانداعى قاڭتار ايىنداعى وقيعالاردى تەرگەۋ بارىسى تۋرالى، سونداي-اق ادام قۇقىقتارى سالاسىنداعى ءوزىنىڭ حالىقارالىق مىندەتتەمەلەرىن ورىنداۋدى قامتاماسىز ەتۋ جونىندەگى مەملەكەتتىڭ كەشەندى شارالارى تۋرالى جوعارعى كوميسساردى حاباردار ەتتى. ول قازاقستان بيلىگى ءادىل تەرگەۋ جۇرگىزىپ جاتقانىن، ونىڭ ناتيجەلەرى الەمدىك قوعامداستىققا ۇسىنىلاتىنىن اتاپ ءوتتى.
سونداي-اق قازاقستان ءسىم باسشىسى سۇحباتتاسىنا پرەزيدەنت ق.توقايەۆ 16 ناۋرىزدا قازاقستاندىق قوعامدى ساياسي ترانسفورماسيالاۋعا باعىتتالعان رەفورمالاردىڭ جاڭا باعدارلاماسىن جاريالاۋدى جوسپارلاپ وتىرعانىن حابارلادى. سونىمەن قاتار، مينيستر م.باچەلەتتى قازاقستانعا ساپارىمەن كەلۋى تۋرالى مەملەكەت باسشىسىنىڭ شاقىرۋىن ەسكە سالدى.
ءوز كەزەگىندە جوعارعى كوميسسار قازاقستان ۇكىمەتى جۇرگىزىپ جاتقان جۇمىستى جوعارى باعالادى، سونداي-اق ۇلتتىق قۇقىق قورعاۋ ينستيتۋتتارىنىڭ قۇقىق قورعاۋ رەفورمالارىن ىسكە اسىرۋعا قاتىسۋىنىڭ ماڭىزدىلىعىن اتاپ ءوتتى. م.باچەلەت ونىڭ كەڭسەسىنىڭ قازاقستانعا قاجەتتى تەحنيكالىق كومەك كورسەتۋگە دايىندىعىن ءبىلدىردى. قازاقستاننىڭ ازاماتتاردىڭ الەۋمەتتىك-ەكونوميكالىق ماسەلەلەرىن شەشۋ جونىندەگى شارالارىنا قوشەمەت كورسەتتى.