ۇكىمەتتە 2024 جىلعى قاڭتار-قاراشاداعى الەۋمەتتىك-ەكونوميكالىق دامۋ قورىتىندىسى قارالدى: ءجىو-نىڭ 4،4% ءوسىمى شيكىزاتتىق ەمەس سەكتور ەسەبىنەن قامتاماسىز ەتىلدى
ق ر پرەمەر-مينيسترىنىڭ توراعالىعىمەن وتكەن ۇكىمەت وتىرىسىندا 2024 جىلعى قاڭتار-قاراشاداعى الەۋمەتتىك-ەكونوميكالىق دامۋ قورىتىندىسى مەن رەسپۋبليكالىق بيۋدجەتتىڭ اتقارىلۋ بارىسى قارالدى.
پرەمەر-مينيستر بۇگىندە ەل ەكونوميكاسى ءوسۋ جولىندا ەكەنىن اتاپ ءوتتى.
«مەن بۇگىن مەملەكەت باسشىسىنا ەلىمىزدەگى اعىمداعى ەكونوميكالىق جاعداي تۋرالى باياندادىم. بيىلعى 11 ايدىڭ قورىتىندىسى بويىنشا ءجىو ءوسىمى 4،4% قۇرادى. وزدەرىڭىز بىلەتىندەي، مۇناي سەكتورىندا تۇراقسىزدىق ساقتالۋدا. بيىل 2 ملن توننا مۇناي كەم ءوندىرىلدى. سوعان قاراماستان وتاندىق ەكونوميكا شيكىزاتتىق ەمەس سەكتوردىڭ ەسەبىنەن ءوسىپ كەلەدى. بۇل ەكونوميكانى ءارتاراپتاندىرۋدىڭ ارتا تۇسكەنىن بىلدىرەدى. پرەزيدەنت ەكونوميكانى ودان ءارى دامىتۋ جونىندە ءتيىستى تاپسىرمالار بەردى»، — دەپ اتاپ ءوتتى ولجاس بەكتەنوۆ.
ەكونوميكالىق بەلسەندىلىكتى ىنتالاندىرۋ بويىنشا قابىلدانىپ جاتقان شارالار ءبىرشاما ناتيجە بەرگەنى اتاپ ءوتىلدى. ماسەلەن، اۋىل شارۋاشىلىعى، وڭدەۋ ونەركاسىبى، قۇرىلىس جانە كولىك سالاسىنداعى ءوسىم جىلدىق جوسپارلى كورسەتكىشتەردەن اسىپ ءتۇستى.