تارالعان پوستتا «ۇكىمەت» دەپ اۋدارىلاتىن اعىلشىن تىلىندەگى government ءسوزىنىڭ ەتيمولوگياسى تۋرالى ايتىلعان. اۆتوردىڭ پىكىرىنشە، بۇل ءسوز Guvernᾴre – «باقىلاۋ» جانە Menschen oder mentis – «رۋح، اقىل» دەگەن ەجەلگى لاتىن سوزدەرىنەن شىققان.
شىن مانىندە، فرانسۋز تىلىندە guvernàre ءسوزى جوق، Menschen oder mentis ءسوز تىركەسىنىڭ دە وعان ەش قاتىسى جوق. Menshen – نەمىس تىلىنەن اۋدارعاندا «ادامدار»، oder – «نەمەسە»، ال mentis لاتىن تىلىنەن اۋدارعاندا «اقىل» دەگەندى بىلدىرەدى.
بۇلاردىڭ ەشقايسىسى اعىلشىن تىلىندەگى government ءسوزىنىڭ ەتيمولوگياسىن تۇسىندىرمەيدى.
بۇل ءسوز شىن مانىندە «باعىتتاۋ»، «باسقارۋ» دەگەندى بىلدىرەتىن governer ەسكى فرانسۋز سوزىنەن شىققان. ول ەسكى فرانسۋز تىلىنە گرەك تىلىندەگى «كەمەنى باسقارۋ» دەگەن ماعىنانى بەرەتىن kybernan سوزىنەن كەلگەن ەكەن. كەيىن K دىبىسى G دىبىسىنا وزگەردى.
-ment جۇرناعى اعىلشىن تىلىنە لاتىن تىلىنەن ەنگەن. ول ەتىستىكتەن زات ەسىمدەر جاساۋ ءۇشىن قولدانىلادى. ياعني، govern – «باسقارۋ» دەگەندى بىلدىرەتىن ەتىستىك، ال government ءسوزى «ۇكىمەت» دەپ اۋدارىلاتىن زات ەسىم.
بۇل «ۇكىمەت» ءسوزى «اقىل-ويدى باقىلاۋ» دەگەندى بىلدىرمەيتىنىن دالەلدەيدى، ال تارالعان اقپارات وقىرمانداردى شاتاستىرادى.