ۇكىمەت شەتەلدىك كولىكتەردى زاڭداستىرۋ ەرەجەسىن بەكىتتى

بۇل 2022 جىلعى 1 قىركۇيەككە دەيىن اكەلىنگەن كولىكتەرگە قاتىستى.

ۇكىمەت شەتەلدىك اۆتوكولىكتەردى زاڭداستىرۋ ەرەجەسىن بەكىتتى، دەپ حابارلايدى Almaty-akshamy.kz ىشكى ىستەر مينيسترلىگىنىڭ سايتىنا سىلتەمە جاساپ.

11 قاڭتاردا ق ر №13 «قازاقستان رەسپۋبليكاسىنىڭ اۋماعىنا 2022 جىلعى 1 قىركۇيەككە دەيىن اكەلىنگەن كولىك قۇرالدارىنىڭ جەكەلەگەن ساناتتارىن باستاپقى تىركەگەنى ءۇشىن الىم مولشەرلەمەسىن قولدانۋ قاعيدالارىن، شارتتارى مەن مەرزىمدەرىن بەكىتۋ جانە وسىنداي كولىك قۇرالدارىن اكەلۋدى جۇزەگە اسىرعان جەكە تۇلعالاردى وندىرۋشىلەردىڭ (يمپورتتاۋشىلاردىڭ)، سونداي-اق كولىك قۇرالدارى ساناتتارىنىڭ كەڭەيتىلگەن مىندەتتەمەلەرىنەن بوساتۋ تۋرالى» قاۋلىعا قول قويىلدى.

قاۋلى نەگىزىندە 2022 جىلعى 1 قىركۇيەككە دەيىن ەل اۋماعىنا اكەلىنگەن كولىك قۇرالدارىنىڭ جەكەلەگەن ساناتتارىن باستاپقى تىركەگەنى ءۇشىن الىم مولشەرلەمەسىن قولدانۋدىڭ جانە وسىنداي كولىك قۇرالدارىن اكەلۋدى جۇزەگە اسىرعان جەكە تۇلعالاردى ۋتيل الىم تولەۋدەن بوساتۋدىڭ ءتارتىبى، شارتتارى مەن مەرزىمدەرى ايقىندالادى.

ەگەر كولىك قۇرالدارى:

1.قازاقستان رەسپۋبليكاسىنىڭ اۋماعىنا 2022 جىلعى 1 قىركۇيەككە دەيىن اكەلىنگەن؛

2. ىزدەۋدە جوق؛

3. باسقا مەملەكەتتىڭ قۇزىرەتتى ورگانىندا بۇرىنعى تىركەلگەن جەرى بويىنشا مەملەكەتتىك ەسەپتەن شىعارىلعان؛

4. كەدەندىك تازارتۋدان وتكەن بولسا، ياعني وسىنداي تالاپتارعا سايكەس كەلسە، قاۋلىعا ساي كولىك قۇرالدارىنا باستاپقى مەملەكەتتىك تىركەۋ ءۇشىن 200 000 تەڭگە مولشەرىندە الىم مولشەرلەمەسى قولدانىلادى.

شەتەلدىك اۆتوموبيلدەردى باستاپقى تىركەۋدىڭ كورسەتىلگەن ءتارتىبى 2023 جىلعى 1 شىلدەگە دەيىن قولدانىستا بولادى جانە م1، M1G، M2، M2G، N1، N1G ساناتتارىنداعى كولىك قۇرالدارىنا، ونىڭ ىشىندە باستاپقى مەملەكەتتىك تىركەۋ قازاقستان رەسپۋبليكاسىنىڭ ازاماتتارىندا جۇزەگە اسىرىلاتىن باسقارۋ تەتىگى وڭ جاقتا ورنالاسقان كولىك قۇرالدارىنا قولدانىلادى.

بۇل رەتتە كولىك قۇرالدارىن ساناتتار بويىنشا جىكتەۋ كەدەن وداعىنىڭ «دوڭعالاقتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىندەگى (كو تر 018/2011) 1-قوسىمشاعا سايكەس جۇزەگە اسىرىلادى.