ايماعامبەتوۆتىڭ ايتۋىنشا، كوشباسشى ەلدەرمەن سالىستىرعاندا قازاقستاندا جازعى كانيكۋل تىم ۇزاق.
وقۋ-اعارتۋ ءمينيسترى اسحات ايماعامبەتوۆ وقۋ جىلىنىڭ ۇزارتىلۋىنا قاتىستى پىكىر ءبىلدىردى، - دەپ حابارلايدى Almaty-akshamy.kz
مينيستر جەرگىلىكتى اتقارۋشى ورگاندارمەن بىرلەسىپ، جاڭا وقۋ جىلىنا دايىندىق جۇمىستارى جۇرگىزىلىپ جاتقانىن ايتتى.
«3،6 ميلليون وقۋشىنى قامتيتىن 7 637 مەكتەپ بار. وقۋ جىلى 1 قىركۇيەكتە باستالادى، ۇزاقتىعى - 36 اپتا، ياعني جاز مەزگىلى بالالار كانيكۋلى بولادى»، - دەدى ايماعامبەتوۆ ۇكىمەت وتىرىسىندا.
ول ءبىلىم بەرۋ سالاسىنداعى كوشباسشى ەلدەرمەن سالىستىرعاندا قازاقستاندا جازعى كانيكۋل ەڭ ۇزاق ەكەنىن ايتتى.
«دەمالىس جانە مەرەكە كۇندەرىمەن قوسا بالالار جىل بويى 192 كۇن دەمالادى، ال 173 - ءبىر جىلداعى وقۋ كۇندەرىنىڭ سانى. ءبىز زەرتتەۋ جانە تالداۋ جۇرگىزدىك جانە ءبىرىنشى سىنىپ وقۋشىلارىنىڭ ءۇش ءتىلدى مەڭگەرۋى قيىن ەكەنىن كوردىك، سوندىقتان ەكىنشى جانە ءۇشىنشى ءتىلدى مەڭگەرۋ ءۇشىن بالا ەڭ الدىمەن ءوز انا تىلىندە وقىپ، جازۋدى ۇيرەنۋى كەرەك دەگەن شەشىمگە كەلدىك»، - دەدى ۆەدومستۆو باسشىسى.
وسىلايشا، مەملەكەتتىك تىلدە وقىتاتىن مەكتەپتەردە ءبىرىنشى سىنىپتان باستاپ بالالار تەك قازاق ءتىلىن، ەكىنشى سىنىپتان باستاپ ورىس ءتىلىن وقۋدى باستايدى.
«بارلىق مەكتەپتە ءۇشىنشى سىنىپتان باستاپ وقۋشىلار اعىلشىن ءتىلىن مەڭگەرەدى. سونىمەن قاتار، بالالاردى ەڭبەككە باۋلۋ ماقساتىندا ءبىرىنشى سىنىپتان باستاپ «ەڭبەككە باۋلۋ» جانە «بەينەلەۋ ونەرى» پاندەرى ەنگىزىلەدى»، - دەدى مينيستر.
پرەمەر-مينيستر وقۋ جىلىنىڭ ۇزارۋىنان قانداي ناتيجە كۇتىلەتىنىن سۇرادى.
«بۇل ءبىر جاعىنان وقۋشىلارعا تۇسەتىن جۇكتەمەنى ازايتسا، ەكىنشى جاعىنان وقۋ پروسەسى 31 مامىردا اياقتالادى. 1،5 ميلليون بالا بەس كۇندىك وقۋ اپتاسىنا وتە المادى. ەندى بىزدە قوسىمشا 36 كۇن كانيكۋل بولادى، بالالار ونى ءوز قالاۋىنشا پايدالانا الادى. 100-دەن اسا مەكتەپتە ءۇش اۋىسىمدا جۇمىس ىستەۋ ءقاۋپى بولدى. دەگەنمەن، يننوۆاسيالاردىڭ كەلۋىمەن ولار ەكى اۋىسىمدا جۇمىس ىستەيتىن بولادى»، - دەپ جاۋاپ بەردى ايماعامبەتوۆ.
ءسوز سوڭىندا وقۋ-اعارتۋ ءمينيسترى ەنگىزىلگەن وزگەرىستەر ارقاسىندا 1،5 ميلليون بالادا 36 كۇن قوسىمشا دەمالۋ مۇمكىندىگى بولاتىنىن باسا ايتتى. پرەمەر-مينيستر بۇل ۇسىنىستاردى ۇكىمەت قولدايتىنىن مالىمدەدى.