ۇكىمەت مۇنايدى كاسپيي قۇبىرىنا بالاما جولدارمەن ەكسپورتتاۋدى كوزدەپ وتىر

بۇل وتە كۇردەلى ماسەلە.

ق ر ەنەرگەتيكا ءمينيسترى بولات اقشولاقوۆ مۇناي تاسىمالى بويىنشا كاسپيي قۇبىرىنا بالاما مارشرۋتتاردىڭ سىيىمدىلىعىن كەڭەيتۋ مۇمكىندىكتەرى قاراستىرىلىپ جاتقانىن جەتكىزدى، دەپ Almaty-akshamy.kz Egemen.kz سىلتەمە جاساپ. 

«كاسپيي قۇبىر كونسورسيۋمى جايلى ايتاتىن بولساق، بۇل نەگىزگى ەكسپورتتىق مارشرۋت. نەگىزگى جوندەۋ جۇمىستارى اياقتالدى. سوڭعى ەڭ شەتكى ايلاق جوسپار بويىنشا ايدىڭ سوڭىنا دەيىن جوندەلەدى. نەگىزىندە، مارشرۋت شتاتتىق رەجيمدە 100 پايىزعا جۇمىس ىستەپ تۇر دەۋگە بولادى. بىزدە بالاما جولدار بار. ءبىراق كاسپيي قۇبىرى سياقتى ۇلكەن كولەمدە ەمەس. ويتكەنى جىلىنا 54 ميلليون توننا مۇنايدى تاسىمالدايتىن بالاما جولدى ءبىر تۇندە تابۋ مۇمكىن ەمەس»،- دەدى ۆەدومستۆو باسشىسى ەلوردا تۇرعىندارىمەن كەزدەسۋى كەزىندە.

ونىڭ ايتۋىنشا، مۇنداي كولەمدى ورنالاستىرۋ ءۇشىن كەم دەگەندە ءۇش جىل قاجەت.

«ءتىپتى قىتايعا جەتىزەتىن بالاما جولدىڭ قۋاتى 20 ملن توننا عانا. مۇمكىندىكتى كەڭەيتەمىز دەگەن كۇننىڭ وزىندە جۇڭگو سونشا كولەمدە مۇناي الۋعا دايىن با دەگەن ماسەلە بار. ول مارشرۋت بويىنشا جالعىز تۇتىنۋشى عانا بار – جۇڭگو. ولاردان باسقا ەشكىم تۇتىنا المايدى. باكۋ مارشرۋتىن بالاما رەتىندە قالىپتاستىرۋ ينفراقۇرىلىم تۇرعىسىنان وتە ۇزاق. اۋەلى پورتتى قالپىنا كەلتىرىپ، كەيىن كولەمىن ۇلعايتا باستاۋ كەرەك بولادى. ەكىنشى قۇرىق پورتىن ورناتىپ، مۇناي قۇبىرىن تارتۋ كەرەك. تانكەرلەر تابۋ قاجەت. كاسپيدىڭ تابانى تاياز بولعاندىقتان وندا كەز كەلگەن تانكەر جۇزە المايدى. تەك 12 مىڭ توننالىق تانكەرلەر عانا جۇزە الادى»،- دەدى بولات اقشولاقوۆ.

ول باكۋ تاراپى قازاقستان تاسىمالدايتىن كولەمدەگى مۇنايدى قابىلداۋعا دايىن بولماۋى مۇمكىن ەكەنىن قوسا ايتتى.

«وسىنىڭ ءبارىن ەسكەرسەك بۇل ماسەلە وتە كۇردەلى. ءبىراق ءبىز بالاما نۇسقالاردى قولدانامىز. بۇگىندە مۇنايدىڭ ءبىر بولىگىن وسى بالاما جولدارعا جونەلتىپ جاتىرمىز. بۇل 16،5 ملن تونناداي بولادى. ارينە، ول 54 ملن توننا ەمەس. ءبىز باسقا باعىتتار بويىنشا جۇك تاسىمالدايمىز. سوندىقتان بۇل ماسەلەنى تۇبەگەيلى شەشپەيدى. ءبىراق ءبىز باسقا دا تاسىلدەرىن قاراپ جاتىرمىز»،- دەدى مينيستر.

شارادان كەيىن ب ا ق وكىلدەرىنىڭ ساۋالىنا بەرگەن جاۋابىندا كاسپيي قۇبىرىنا بالاما جول توسەۋدىڭ مۇمكىندىگى تۋرالى تۇسىنىكتەمە بەردى. ايتۋىنشا، باكۋ باعىتى بىرنەشە جىلدىڭ ىشىندە ينفراقۇرىلىم توسەۋگە بولادى. ءبىراق ونى رەزەرۆتە ۇستاپ تۇرۋدىڭ شىعىنى وراسان كوپ بولۋى مۇمكىن.

«قۇبىرعا قىزمەت ەتۋ شىعىندارى بولادى. مىسالى قۇبىر توسەپ، باسقا ەلدىڭ اۋماعىنا پورت سالىندى دەيىك. ول پورتتى جالداۋ اقىسىن مۇناي تاسىمالداساق تا، تاسىمالداماساق تا تودەۋ كەرەك بولادى. وسىنداي ءتۇرلى شىعىندار بار. ءقازىر سونىڭ ءبارىن زەردەلەپ جاتىرمىز»، - دەدى ۆەدومستۆو باسشىسى.