تاريفتەر وسى جىلعى 1 ناۋرىزدان باستاپ قولدانىسقا ەنگىزىلەدى.
اتالعان شارالار كولىك شىعىستارىنا جانە تاۋارلاردىڭ، ونىڭ ىشىندە ازىق-تۇلىك ونىمدەرىنىڭ تۇپكىلىكتى قۇنىنا وڭ اسەر ەتەدى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.
ۇكىمەت كىرمە جولداردى بەرۋ قىزمەتتەرىنە تاريفتەردى تومەندەتۋ بويىنشا شارالار قابىلدادى.
بيىلعى 21 قاڭتاردا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ كىرمە جولداردى رەتكە كەلتىرۋ بويىنشا تاپسىرمالار بەردى. وسىعان بايلانىستى قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسارى ر. سكليار كىرمە جولدار سالاسىندا قىزمەت كورسەتەتىن تابيعي مونوپوليالار سۋبەكتىلەرىنىڭ قىزمەتىنە تەكسەرۋ جۇرگىزۋدى، قىزمەتتەر قۇنى باعاسىنىڭ بەلگىلەنۋىن تالداۋدى جانە تاريفتەردى تومەندەتۋ بويىنشا شارالار قابىلداۋدى تاپسىردى.
ماسەلەن، بيىلعى 1 اقپاننان باستاپ ەلىمىزدىڭ ءبىرقاتار وڭىرىندە (نۇر-سۇلتان، الماتى قالالارى، قىزىلوردا، باتىس قازاقستان، قوستاناي، الماتى، پاۆلودار، اقمولا، قاراعاندى، شىعىس قازاقستان، اقتوبە جانە سولتۇستىك قازاقستان وبلىستارى) كىرمە جولداردى بەرۋمەن اينالىساتىن 21 سۋبەكتىنىڭ تاريفتەرى ورتا ەسەپپەن 80%-عا تومەندەدى. سونداي-اق پاۆلودار وبلىسىندا كىرمە جولدار قىزمەتتەرىن ۇسىناتىن «ARMAN KALA LTD» ج ش س تاريفتەرى 93%-عا (1741،53 تەڭگە/ۆاگون*كم-دەن 118،07 تەڭگە/ۆاگون*كم-گە دەيىن) تومەندەتىلدى. بۇل شارا قازاقستاننىڭ ەنەرگيا ءوندىرۋشى ۇيىمدارى ءۇشىن وتىننىڭ نەگىزگى جەتكىزۋشىسى «بوگاتىر كومىر» ج ش س كومىرىنىڭ قۇنىنا وڭ اسەر ەتەدى.
سونىمەن قاتار وبەكتيۆتى باعا بەلگىلەۋ ماقساتىندا ەلىمىزدىڭ نەگىزگى تەمىر جول وبەكتىلەرىندە ورنالاسقان كىرمە جولداردىڭ ءىرى بالانس ۇستاۋشىسى «كولىك سەرۆيسى ورتالىعى» اق (2117،98 تەڭگە/ۆاگون*كم-دەن 164،29 تەڭگە/ۆاگون*كم-گە دەيىن) تاريفتەرى 92%-عا تومەندەدى. تاريفتەر وسى جىلعى 1 ناۋرىزدان باستاپ قولدانىسقا ەنگىزىلەدى. اتالعان شارالار كولىك شىعىستارىنا جانە تاۋارلاردىڭ، ونىڭ ىشىندە ازىق-تۇلىك ونىمدەرىنىڭ تۇپكىلىكتى قۇنىنا وڭ اسەر ەتەدى. ۇكىمەتتىڭ وسى باعىتتاعى جۇمىسى ودان ءارى جالعاسىن تابادى.