ادام ءومىرى بارىنەن جوعارى.
بۇگىن ق ر پرەمەر-مينيسترى ولجاس بەكتەنوۆ سۋ تاسقىنىنا بايلانىستى قازاقستان حالقىنا ۇندەۋ جاسادى، دەپ حابارلايدى Almaty-akshamy.kz
بەكتەنوۆتىڭ ايتۋىنشا، تۇرعىنداردىڭ كوبى سۋ تاسقىنىنىڭ اۋىر زارداپتارىنا سەنبەيتىندىكتەن ەۆاكۋاسيالاۋ جۇمىستارى قيىنداپ تۇر.
"بايقاپ وتىرعانىمىزداي، بيىل سۋ تاسقىنى بۇرىن-سوڭدى سۋ تاسقىنى تىركەلمەگەن ايماقتاردا دا ورىن الۋدا. وسىعان بايلانىستى قازاقستان حالقىن اكىمدىكتەر مەن ارنايى قىزمەتتەردىڭ حابارلاۋىن مۇقيات قابىلداپ، ولاردىڭ نۇسقاۋلارىن تىڭداپ، ورىنداۋدى سۇرايمىن. ادام ءومىرى بارىنەن جوعارى. الدىمەن ەۆاكۋاسيالاۋ قاۋىپسىزدىگىڭىزدى قامتاماسىز ەتۋگە باعىتتالعان، قۇتقارۋشىلارعا كومەكتەسۋىڭىزدى سۇرايمىن، ولاردىڭ جۇمىسىن قيىنداتپاڭىز، ولار ءسىز ءۇشىن جۇمىس ىستەپ جاتىر"، - دەدى ولجاس بەكتەنوۆ.
سونداي-اق پرەمەر-مينيستر قۇتقارۋشىلارعا، دارىگەرلەرگە جانە قازىرگى تاڭدا وڭىرلەردەگى سۋ تاسقىنىن جويۋ جۇمىستارىن جۇرگىزىپ جاتقانداردىڭ بارلىعىنا ۇندەۋ جاسادى.
"قۇتقارۋشى بولىپ جۇمىس ىستەۋ وڭاي ەمەس، وكىنىشكە وراي، باتىس قازاقستان وبلىسىندا قىزمەت بارىسىندا سەرجانت باتىربەك قاپسيكوۆ پىشاقتالىپ، قىلمىسكەر ۇستالدى. ءتارتىپ ساقشىلارى مەن قۇتقارۋشىلار ەرلىك پەن باتىلدىق تانىتۋى كەرەك. اقتوبە وبلىسىندا سۋ تاسقىنى كەزىندە اناسى دا، جاڭا تۋعان ەگىزدەر دە امان قالدى. وسى ءساتتى پايدالانا وتىرىپ، قۇتقارۋشىلارىمىزعا، تىكۇشاق ۇشقىشتارىنا، ىشكى ىستەر مينيسترلىگى، ۇلتتىق ۇلان قىزمەتكەرلەرىنە، مەديسينا قىزمەتكەرلەرىنە جانە توتەنشە جاعدايلاردا تۇرعىنداردى قۇتقارىپ، قولداۋ كورسەتىپ جۇرگەن جاي ەرىكتىلەرگە العىسىمدى بىلدىرەمىن"، - دەدى ولجاس بەكتەنوۆ.