ۇكىمەتتەگى كەڭەستە ءسوز سويلەگەن پرەمەر-مينيستر ءاليحان سمايىلوۆ سىرتقى قىسىمدارعا قاراماستان، ەكونوميكادا وڭ ءوسىم بارىن ايتتى.
ۇكىمەت باسشىسىنىڭ سوزىنشە، جىلدىڭ ءبىرىنشى توقسانىندا قازاقستان ەكونوميكاسى 4،9% وسكەن، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«بۇگىندە ۇلتتىق ەكونوميكا قولايسىز سىرتقى جاعدايلارعا بەيىمدەلىپ، تۇراقتى ءوسۋ جولىنا ءتۇستى. سونىمەن قاتار الەمدە سانكسيالىق ساياساتتىڭ شيەلەنىسۋى، جەتكىزۋ تىزبەگىنىڭ ءۇزىلۋى، ينفلياسيا مەن ازىق-تۇلىك باعاسىنىڭ ءوسۋى جاھاندىق ەكونوميكانىڭ باياۋلاۋىنا ۇلكەن اسەر ەتىپ جاتىر. اتاپ ايتقاندا، حالىقارالىق ۆاليۋتا قورى جاھاندىق ينفلياسيا بولجامىن 2023 جىلى 7 پايىزعا دەيىن كوتەرسە، جاھاندىق ەكونوميكالىق ءوسۋ بولجامىن 2،8 پايىزعا دەيىن تومەندەتتى»، – دەدى ءاليحان سمايىلوۆ.