پرەمەر-مينيستر مىندەتىن ۋاقىتشا رومان سكليار اتقارادى.
ق ر پرەزيدەنتىنىڭ باسپا ءسوز حاتشىسى بەرىك ءۋالي قازاقستاننىڭ پرەمەر-مينيسترى قالاي تاعايىندالاتىنىن ايتتى، دەپ حابارلايدى Almaty-akshamy.kz
كونستيتۋسياعا سايكەس، توقايەۆ بيلىكتەگى "امانات" ساياسي پارتياسى ۇسىنعان كانديداتۋرانى قارايدى.
"ەگەر ماقۇلدانسا، مەملەكەت باسشىسى كەلىسىم بەرۋ ءۇشىن پرەمەر-مينيستردىڭ كانديداتۋراسىن پارلامەنت ءماجىلىسىنىڭ قاراۋىنا ەنگىزەدى. ءماجىلىس كەلىسسە، پرەزيدەنت بۇل قىزمەتكە جاڭا پرەمەر-مينيستردى تاعايىندايدى. وسىدان كەيىن قازاقستان رەسپۋبليكاسى ۇكىمەتىنىڭ قۇرامىن قالىپتاستىرۋ پروسەسى باستالادى"، دەدى بەرىك ءۋالي.
قازاقستان ۇكىمەتىنىڭ 2024 جىلدىڭ 7 اقپانىنا جوسپارلانعان كەڭەيتىلگەن وتىرىسىنا دەيىن وتستاۆكاعا كەتكەنى وسىعان دەيىن حابارلانعان ەدى. شارا بارىسىندا ەلىمىزدىڭ 2023 جىلعا ارنالعان الەۋمەتتىك-ەكونوميكالىق دامۋىنىڭ قورىتىندىسى شىعارىلىپ، الداعى كەزەڭدەگى نەگىزگى مىندەتتەر ايقىندالادى.