تاۋەلسىز قازاقستاننىڭ 11- پرەمەر-مينيسترى ءاليحان سمايىلوۆ تا بۇگىن قىزمەتىنەن كەتتى.
بۇعان دەيىن ەگەمەندى ەلدىڭ تاريحىنداعى ۇكىمەت باسشىلارى كىمدەر بولىپ ەدى، ءقازىر ولار قايدا؟
تاۋەلسىز قازاقستاننىڭ ەڭ العاشقى پرەمەر-مينيسترى بولعان سەرگەي تەرەششەنكو (30.03.1951-10.02.2023) تۋرا ءبىر جىل بۇرىن قايتىس بولدى. تەرەششەنكو 1991-1994 جىلدار ارالىعىندا قازاقستاننىڭ ۇكىمەت باسشىسى قىزمەتىن اتقاردى.
1994 جىلدىڭ قازان ايىنان باستاپ 1997 جىلدىڭ قازانىنا دەيىن ق ر پرەمەر-مينيسترى بولعان اكەجان قاجىگەلدين (27 ناۋرىز 1952 ج) 1999 جىلدان بەرى شەتەلدە تۇرادى.
ۇكىمەتتى ءۇشىنشى بولىپ باسقارعان (1997-1999 ج) نۇرلان بالعىمبايەۆ (20 قاراشا 1947 جىل - 14 قازان 2015 جىل) 9 جىل بۇرىن ومىردەن ءوتتى.
ۇكىمەتتى ەكى رەت (1999-2002 ج) باسقارعان قاسىم-جومارت توقايەۆ (17 مامىر 1953 جىل) 2019 جىلعى 20 ناۋرىزدان بەرى قازاقستاننىڭ مەملەكەت باسشىسى.
ۇكىمەت باسىندا ۇزاق وتىرماعان (2002-2003) يمانعالي تاسماعامبەتوۆ (9 جەلتوقسان 1956 جىل) ءقازىر ۇجىمدىق قاۋىپسىزدىك جونىندەگى شارت ۇيىمىنىڭ باس حاتشىسى.
ودان كەيىن ۇكىمەت باسى التىنشى رەت اۋىسقاندا، بۇل ورىنعا كەلگەن (2003-2007) دانيال احمەتوۆ (15 ماۋسىم 1954) بىلتىر شقو اكىمى قىزمەتىنەن بوساتىلعان.
تاۋەلسىز قازاقستان تاريحىندا كارىم ءماسىموۆ (15 ماۋسىم 1965 جىل) تە ۇكىمەت باسشىسى (2007-2012) قىزمەتىن (2014-2016) ەكى رەت اتقارعان. 7 جىلداي ۋاقىت پرەمەر-مينيستر بولعان ول ۇلتتىق قاۋىپسىزدىك كوميتەتىن باسقارىپ وتىرعان تۇسىندا قاڭتار وقيعاسىنان كەيىن ۇستالىپ، 18 جىلعا سوتتالىپ كەتتى.
ۇكىمەت باسىندا 2012-2014 جىلدار ارالىعىندا قىزمەت اتقارعان سەرىك احمەتوۆ (25 ماۋسىم 1958 جىل) تە سوتتى بولدى.
ءۇش جىل (2016-2019) پرەمەر-مينيستر بولعان – باقىتجان ساعىنتايەۆ (13 قازان 1963 جىل) 1 اقپاننان باستاپ ەۋرازيالىق ەكونوميكالىق كوميسسيا القاسىنىڭ ءتوراعاسى قىزمەتىنە كىرىستى.
ساياسات ساحناسىنان الىستاپ كەتكەن كەلەسى پرەمەر اسقار مامين (23 قازان 1965 جىل) دە 2019-2022 جىلدار ارالىعىندا وسى قىزمەتتى اتقاردى.
ءاليحان سمايىلوۆ (18 جەلتوقسان 1972 جىل) ۇكىمەت باسىنا قاڭتار وقيعاسىنان كەيىن 2022 جىلى كەلدى. وعان دەيىن بۇرىنعى پرەمەر-مينيستر اسقار ءماميننىڭ ءبىرىنشى ورىنباسارى قىزمەتىن اتقارعان.