الداعى جىلىتۋ ماۋسىمىنا دايىندىق بارىسىنا قاتاڭ مونيتورينگ جۇرگىزىلۋى ءتيىس.
ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا جىلۋ بەرۋ كەزەڭىنىڭ قورىتىندىسى مەن كەلەسى جىلىتۋ ماۋسىمىنا دايىندىق ماسەلەسى قارالدى، دەپ حابارلايدى Almaty-akshamy.kz
ءاليحان سمايىلوۆ بىلتىر رەسپۋبليكانىڭ شىعىس جانە سولتۇستىك وڭىرلەرىندە كۇننىڭ ەرتە سۋۋى سالدارىنان كەزەكتەر پايدا بولىپ، كومىر باعاسىنىڭ كوتەرىلگەنىن ەسكە سالدى.
يندۋستريا جانە ينفراقۇرىلىمدىق دامۋ مينيسترلىگى اكىمدىكتەرمەن بىرلەسىپ، تۇرعىنداردى، جەو مەن قازاندىقتاردى قاجەتتى كولەمدەگى كومىرمەن الدىن الا قامتاماسىز ەتۋ جۇمىستارىن ۇيىمداستىرۋى ءتيىس.
«قازاقستان تەمىر جولى» كومپانياسى ەلەكتر ستانسيالارىنا كومىر جەتكىزۋگە باسىمدىق بەرە وتىرىپ، ولاردى قاجەتتى ۆاگوندارمەن قامتاماسىز ەتۋى كەرەك.
«باسەكەلەستىكتى قورعاۋ جانە دامىتۋ اگەنتتىگى اكىمدىكتەرمەن بىرلەسىپ، كومىر باعاسىن ەرەكشە باقىلاۋعا الىپ، اسىرەسە تۇرعىندار ءۇشىن كومىر باعاسىنىڭ نەگىزسىز وسۋىنە جول بەرمەۋ شارالارىن قابىلداۋى قاجەت»،— دەدى ۇكىمەت باسشىسى.
جالپى ەنەرگەتيكا، يندۋستريا جانە ينفراقۇرىلىمدىق دامۋ مينيسترلىكتەرى نىسانداردى الداعى جىلىتۋ ماۋسىمىنا دايىنداۋ بارىسىنا قاتاڭ مونيتورينگ جۇرگىزۋى ءتيىس، دەپ تۇيىندەدى ءاليحان سمايىلوۆ.