ق ر پرەمەر-مينيسترى اسقار مامين قارىز الۋشى شارتتىڭ تالاپتارىن ورىنداماعان كەزدە وعان ءوزىنىڭ قارجىلىق جاعدايىن جاقسارتقانعا دەيىن بانكتىك قارىز بويىنشا كەيىنگە قالدىرۋدى ۇسىنۋ مۇمكىندىگىنە قاتىستى دەپۋتاتتىق ساۋالعا جاۋاپ بەردى، دەپ حابارلادى قازاقپارات.
«2009 – 2021 جىلدار ارالىعىندا يپوتەكالىق قارىز الۋشىلاردىڭ بورىش جۇكتەمەسىن شەكتەۋگە باعىتتالعان شارالار زاڭنامالىق دەڭگەيدە قابىلداندى.
«بانكتەر جانە بانك قىزمەتى تۋرالى» زاڭىمەن يپوتەكالىق قارىزدار بويىنشا مىندەتتەمەنىڭ مەرزىمىن وتكىزىلىپ الۋدىڭ 180 كۇنىنەن كەيىن بانكتەر ەسەپتەگەن سىياقى مەن تۇراقسىزدىق ايىبىن تولەۋدى تالاپ ەتۋگە تىيىم سالىندى، ۆاليۋتادا تابىسى جوق قارىز الۋشىعا شەتەل ۆاليۋتاسىمەن يپوتەكالىق قارىزدار بەرۋ شەكتەلدى. قارىزداردى وتەۋ مەرزىمىن وتكىزىپ العانى ءۇشىن تۇراقسىزدىق ايىبى مەن ءوسىمپۇلدىڭ شەكتى شاماسى زاڭ جۇزىندە بەلگىلەندى، بانكتەر كرەديتتەر بويىنشا الاتىن كوميسسيالار مەن وزگە دە تولەمدەردىڭ تۇپكىلىكتى تىزبەسى بەكىتىلدى»، - دەلىنگەن ا. ءماميننىڭ جاۋابىندا.
ونىڭ ايتۋىنشا، تابىس دەڭگەيى تومەن قارىز الۋشىلاردىڭ قۇقىقتارىن قورعاۋ ءۇشىن: بانكتىك شوتتارداعى قالدىقتىڭ 50 % استام مولشەرىندەگى اقشادان ءوندىرىپ الۋعا؛ جاردەماقىلاردى، الەۋمەتتىك جانە تۇرعىن ءۇي تولەمدەرىن، ءبىلىم بەرۋ سالىمدارىن الىپ قويۋعا قوسىمشا تىيىم سالۋلار ەنگىزىلدى.
«ازاماتتاردىڭ پروبلەمالىق بەرەشەگىن قايتا قۇرىلىمداۋ ءۇشىن نورماتيۆتىك دەڭگەيدە پروبلەمالىق قارىز الۋشىلاردى وڭالتۋ تەتىگى ەنگىزىلدى. بۇگىنگى كۇنى 1،9 ملن ازاماتتىڭ كرەديتتەرى بويىنشا «وڭالتۋدان ءوتتى» مارتەبەسى بەرىلدى.
"قيىن ومىرلىك جاعدايعا تاپ بولعان ازاماتتارعا تولەم جاساۋ قابىلەتىن قالپىنا كەلتىرۋ جانە قارىزدار بويىنشا ءوز مىندەتتەمەلەرىن ورىنداۋىن جالعاستىرۋ مۇمكىندىگىن بەرۋ ماقساتىندا بيىلعى 24 مامىردا زاڭنامالىق تۇزەتۋلەر ەنگىزىلىپ، 2021 جىلعى 1 قازاننان باستاپ بانكتەر جانە ميكروقارجى ۇيىمدارى (مقۇ) ءۇشىن ازاماتتاردىڭ كرەديتتەر بويىنشا پروبلەمالىق بەرەشەگىن رەتتەۋدىڭ ءبىرىڭعاي ءارى مىندەتتى ءتارتىبى ەنگىزىلدى. ەندى بانكتەر جانە مقۇ قارىز بويىنشا مەرزىمىن وتكىزىپ الۋ ورىن العان ساتتەن باستاپ قارىز الۋشى - جەكە تۇلعانىڭ ءوتىنىشى نەگىزىندە قارىز الۋشىنىڭ قارجىلىق جاعدايىنا تالداۋ جۇرگىزۋ ارقىلى بورىشكەردىڭ پروبلەمالىق بەرەشەگىمەن جۇمىستى باستاۋعا ءارى قايتا قۇرىلىمداۋ شارالارىن ازىرلەۋگە مىندەتتى»، - دەپ جازدى ۇكىمەت باسشىسى.
قارىزدى قايتا قۇرىلىمداۋ ءۇشىن مەرزىمى وتكەن بەرەشەكتى رەتتەۋدىڭ مىناداي تۇرلەرى زاڭنامالىق تۇرعىدان بەلگىلەندى:
1) سىياقى مولشەرلەمەسىن ازايتۋ جاعىنا قاراي وزگەرتۋ؛
2) قارىز ۆاليۋتاسىن ۇلتتىق ۆاليۋتاعا وزگەرتۋ؛
3) نەگىزگى بورىش جانە سىياقى بويىنشا تولەۋ مەرزىمىن كەيىنگە قالدىرۋ؛
4) بەرەشەكتى وتەۋ ءادىسىن نەمەسە بەرەشەكتى وتەۋدىڭ كەزەكتىلىگىن، ونىڭ ىشىندە نەگىزگى بورىشتى باسىمدىق تارتىپپەن وتەي وتىرىپ، وزگەرتۋ؛
5) قارىز مەرزىمىن وزگەرتۋ؛
6) مەرزىمى وتكەن نەگىزگى بورىشتى جانە سىياقىنى كەشىرۋ، قارىزعا قىزمەت كورسەتۋگە بايلانىستى تۇراقسىزدىق ايىبىنىڭ (ايىپپۇلدىڭ، ءوسىمپۇلدىڭ)، كوميسسيالاردىڭ جانە وزگە دە تولەمدەردىڭ كۇشىن جويۋ.
«بانك نەمەسە مقۇ قارىزدى قايتا قۇرىلىمداۋ تالاپتارى بويىنشا ءوتىنىشتى قاراۋدان باس تارتقان نەمەسە كەلىسىمگە قول جەتكىزبەگەن جاعدايدا، قارىز الۋشى ءبىر مەزگىلدە كرەديتوردى حاباردار ەتە وتىرىپ، قارجى نارىعىن رەتتەۋ جانە دامىتۋ اگەنتتىگىنە ءوتىنىش بەرۋگە قۇقىلى. يپوتەكالىق قارىز الۋشىلاردى قورعاۋ شاراسى رەتىندە اگەنتتىكتىڭ قارىز الۋشىنىڭ ءوتىنىشىن قاراۋ كەزەڭىندە كرەديتوردىڭ حالىقتىڭ الەۋمەتتىك جاعىنان وسال توپتارىنا جاتاتىن بورىشكەرلەردىڭ كەپىلگە سالىنعان مۇلكىن ءوندىرىپ الۋ ءراسىمىن باستاۋعا قۇقىعى جوق»، - دەپ جازدى اسقار مامين.
ەسكە سالا كەتەيىك، بيىل قاراشا ايىندا سەناتورلار كەيبىر ەكىنشى دەڭگەيدەگى بانكتەر جۇرگىزىپ وتىرعان ساياساتقا جانە جەكە سوت ورىنداۋشىلارىنىڭ جۇمىسىنا نارازىلىعىن ايتقان ەدى. وسىعان وراي بۇگىن سەناتتىڭ جالپى وتىرىسىندا دەپۋتاتتار اسقار شاكىروۆ، ۆلاديمير ۆولكوۆ جانە ءلاززات سۇلەيمەن ەلىمىزدىڭ پرەمەر-مينيسترىنىڭ اتىنا دەپۋتاتتىق ساۋال جولدادى.