ەكستراديسيالانعان ادامدار 2021 جىلدىڭ 16 قاراشاسىندا ۇستالعان
ءازىربايجان ەۋرووداقتىڭ دەلدالدىعىمەن ارميان تەكتى 10 اسكەري قىزمەتكەردى بوساتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
بۇل قادام ەۋروپالىق كەڭەس ءتوراعاسى چارلز ميشەلدىڭ باستاماسىمەن 14 جەلتوقساندا بريۋسسەلدە وتكەن ءازىربايجان پرەزيدەنتى يلحام الييەۆ پەن ارمەنيا پرەمەر-مينيسترى نيكول پاشينياننىڭ ءۇشجاقتى كەزدەسۋىنىڭ قورىتىندىسى بويىنشا جاسالدى.
بۇل تۋرالى ءازىربايجاننىڭ اسكەري تۇتقىندار، حابار-وشارسىز كەتكەن جانە كەپىلگە الىنعان ازاماتتارمەن جۇمىس جونىندەگى مەملەكەتتىك كوميسسياسى حابارلادى.
ايتا كەتەيىك، ەكستراديسيالانعان ادامدار 2021 جىلدىڭ 16 قاراشاسىندا ۇستالعان.