ءاليحان سمايىلوۆ قازاقستان ەكونوميكاسىن جاڭعىرتۋ جونىندەگى مەملەكەتتىك كوميسسيانىڭ وتىرىسىن وتكىزدى.
ۇكىمەت باسپا ءسوز قىزمەتىنىڭ حابارلاۋىنشا، سالىق سالۋ نورمالارى، ونىڭ ىشىندە سالىق سالۋ ماقساتتارى ءۇشىن «رويالتي» ۇعىمىن قولدانۋ، ەنەرگيا ءوندىرۋشى ۇيىمداردىڭ مۇلكىنە سالىق سالۋ وبەكتىسىن ايقىنداۋ بويىنشا، سونداي-اق ققس ەسەپكە جاتقىزۋ ادىسىمەن تولەنەتىن تاۋارلاردىڭ جاڭارتىلعان تىزبەسىن قولدانۋ مەرزىمدەرى قارالدى، دەپ حابارلايدى Almaty-akshamy.kz Elorda.info-عا سىلتەمە جاساپ.
تالقىلاۋ قورىتىندىسى بويىنشا پرەمەر-مينيستر العاشقى ەكى ماسەلەنى بارلىق مۇددەلى تاراپتاردىڭ پىكىرىن جانە الەۋمەتتىك-ەكونوميكالىق جاعدايعا ىقتيمال اسەرىن ەسكەرە وتىرىپ، قوسىمشا پىسىقتاۋدى تاپسىردى.
سونداي-اق وتىرىستا قىزىلوردا وبلىسى ارال اۋدانى اۋماعىندا كالسييلەنگەن سودا ءوندىرۋ زاۋىتىن سالۋ جوباسى قارالدى.
ونى ىسكە اسىرۋ شامامەن 140 ملرد تەڭگە ينۆەستيسيا تارتۋعا، 700-دەن استام تۇراقتى جۇمىس ورنىن قۇرۋعا جانە جىلىنا 300 مىڭ تونناعا جۋىق ءونىم ءوندىرۋ ەسەبىنەن يمپورتتى الماستىرۋدى قامتاماسىز ەتۋگە مۇمكىندىك بەرەدى.
پرەمەر-مينيستر زاۋىتقا قاجەتتى ينفراقۇرىلىم قۇرىلىسىن قارجىلاندىرۋ مۇمكىندىگىن قاراستىرۋدى، سونداي-اق جوبانى ينۆەستورلار تارتۋ تۇرعىسىنان پىسىقتاۋدى جالعاستىرۋدى تاپسىردى.
سونىمەن قاتار وتىرىسقا قاتىسۋشىلار اقتاۋدا كوپ فۋنكسيونالدى قوناق ۇي-تۋريستىك كەشەن سالۋ ماسەلەلەرىن تالقىلادى. بۇل 170 ملرد تەڭگە ينۆەستيسيا تارتۋعا، 4000-عا جۋىق تىكەلەي جانە جاناما جۇمىس ورنىن اشۋعا، سونداي-اق ماڭعىستاۋ وبلىسىنا تۋريستىك اعىندى 850 مىڭ ادامعا دەيىن ۇلعايتۋعا مۇمكىندىك بەرەدى.
ۇكىمەت باسشىسى جوبانى ىسكە اسىرۋدى جەدەلدەتۋدى جانە قۇرىلىسى باستالعان بارلىق وبەكتىلەردى اياقتاۋ ءۇشىن «قدب» اق بيۋدجەتتىك نەسيە ءبولۋ مۇمكىندىگىن قاراستىرۋدى تاپسىردى.
وتىرىسقا قاتىسۋشىلار مەملەكەت يەلىگىنەن الۋ جانە جەكەشەلەندىرۋ ماسەلەلەرى جونىندە ۇسىنىستار ازىرلەۋ بويىنشا جۇمىس توبىن قۇرۋ ماسەلەسىن دە قاراستىردى.