ق ر پرەمەر-مينيسترى اسقار مامين مەملەكەتتىك ورگانداردىڭ ءبىرىنشى باسشىلارى مەن اكىمدەرگە الەۋمەتتىك ماڭىزى بار تاۋار باعاسىنىڭ ءوسۋىن تەجەۋ جۇمىستارىن كۇشەيتۋدى تاپسىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ەكونوميكانىڭ 6 نەگىزگى كورسەتكىشى بويىنشا ءوسىم جەتى وڭىردە بايقالادى. بۇل - اتىراۋ، قاراعاندى، قىزىلوردا، پاۆلودار، سولتۇستىك قازاقستان جانە تۇركىستان وبلىستارى مەن نۇر-سۇلتان قالاسى. 5 كورسەتكىش بويىنشا وڭ ديناميكا ءتورت وڭىردە - اقتوبە، ماڭعىستاۋ، شىعىس قازاقستان وبلىستارى جانە الماتى قالاسىندا بايقالدى»، - دەگەن ۇكىمەت باسشىسى ەڭ تومەن كورسەتكىش باتىس قازاقستان وبلىسىندا ەكەنىن اتاپ ءوتتى.
«ەلدە ينفلياسيا ءوسىپ جاتىر، تامىزدا ول 8،7 پايىز بولسا، قىركۇيەكتە 8،9 پايىز بولدى. ينفلياسيانىڭ وسۋىنە ازىق-تۇلىك تاۋارلارى باعاسىنىڭ قىمباتتاۋى ەڭ كوپ اسەر ەتتى. ءبىر اپتا ىشىندە الەۋمەتتىك ماڭىزى بار تاۋارلار باعاسىنىڭ قىمباتتاۋى 0،2 پايىزدى قۇرادى. باعالار نۇر-سۇلتاندا، ماڭعىستاۋ جانە اقتوبە وبلىستارىندا ەداۋىر ارتتى. مەملەكەتتىك ورگانداردىڭ ءبىرىنشى باسشىلارى مەن اكىمدەر ەكونوميكا سەكتورلارىندا ءوسۋ قارقىنىن ۇلعايتۋ، ينۆەستيسيالار تارتۋ، جۇمىس ورىندارىن قۇرۋ جانە الەۋمەتتىك ماڭىزى بار تاۋارلاردىڭ باعالارىن ءوسۋىن تەجەۋ بويىنشا جۇمىستى كۇشەيتۋى قاجەت. سونىمەن قاتار، بيۋدجەت قاراجاتىنىڭ ۋاقىتىلى يگەرىلۋىن قامتاماسىز ەتۋدى تاپسىرامىن»، - دەدى اسقار مامين.