ۇكىمەت اپپاراتى استاناداعى جالپىقالالىق سەنبىلىككە قاتىستى

قازاقستان ۇكىمەتى اپپاراتىنىڭ قىزمەتكەرلەرى مەملەكەت باسشىسىنىڭ باستاماسىمەن «تازا قازاقستان» جالپىۇلتتىق ەكولوگيالىق اكسياسى جانە دۇنيەجۇزىلىك تازالىق كۇنى (World Cleanup Day) اياسىندا وتكىزىلگەن استانا قالاسىنداعى جالپىقالالىق سەنبىلىككە بەلسەندى تۇردە قاتىستى، دەپ حابارلايدى aqshamnews.kz

پرەزيدەنت «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى حالىققا جولداۋىندا ازاماتتاردى بىرىكتىرگەن جاسامپاز باستامانىڭ ماڭىزدىلىعىن ەرەكشە اتاپ ءوتىپ، «تازا قازاقستان» جالپىۇلتتىق اكسياسىنىڭ جىل بويى جالعاسۋىن قامتاماسىز ەتۋدى تاپسىرعان بولاتىن.

سەنبىلىك بارىسىندا ۇكىمەت اپپاراتىنىڭ قىزمەتكەرلەرى EXPO اۋماعىندا 100 قىلقان جاپىراقتى اعاشتىڭ كوشەتتەرىن وتىرعىزدى.

«تازا قازاقستان» اكسياسى اياسىندا، ناۋرىز ايىنان بەرى 4 ملن-نان استام تۇرعىننىڭ قاتىسۋىمەن ەلىمىزدە 140-تان استام ەكولوگيالىق ءىس-شارا ۇيىمداستىرىلدى. وسى اكسيا بارىسىندا 21 مىڭنان استام الەۋمەتتىك نىساننىڭ اۋماعى تازارتىلىپ، 5 مىڭعا جۋىق ساياباق پەن سكۆەر اباتتاندىرىلدى. 2،9 مىڭ اعاش جانە بۇتا كوشەتتەرى وتىرعىزىلدى. سونىمەن قاتار، 800-دەن استام سۋبۇرقاق جوندەلىپ، 1،1 ملن توننادان استام قوقىس جينالدى.